Enter own Zajal lines

---

Name: يوسف  سماحة   (Monday, March 08, 2010)
Zajal Lines:  وحتى الكلمة أسعدها رح غني بكل الألوان

Name: يوسف سماحة   (Monday, March 08, 2010)
Zajal Lines:  جبلي نسوان بشحطار !!!! بتحمر فيها شفافا بجبلك أعمى يشوف غبار !!! واخرس يصرخ ما شافا جبلي سياسي محتار !!!!! عبلادو شو بخافا بجبلك لبناني يا جار !!!!!مش حابب يرجع لبنان

Name: محمد أبو حمدان  (Monday, March 08, 2010)
	كندا		تورنتو
Zajal Lines: ***** حتى الكلمة أسعدها رح غني كل الألوان ضروري عا موطنا نعود يا فياض ويا سماحة ونتلاقى ببيوت الجود حتى نشعر بالراحة ما بدنا نقضيها وعود وعودتنا تكون سياحة وتا نوضع للغربة حدود للضيعة رجعتنا تكون مباشر فيها بو حمدان

Name: يوسف سماحة   (Monday, March 08, 2010)
Zajal Lines:  تأخرت وبعرف يا شريك لا تواخذني بحياتك الشعر بيقشع حالو فيك يا فياض برداتك و- شتلة من عندي بهديك حتى تشارك شتلاتك و- يا محمد مني ناسيك إنت الورد وانت الزهر وانت ارزة من لبنان

Name: Wajih Fayad  (Friday, March 05, 2010)
Hobbies/Interests: الى ألأخ يوسف سماحة أللي بينظم زجل متلك شاعر حساس وفنان بأكدلك انو شتلك رح يغني مروج القصدان كل محبة ببعتلك وبتشكّر أبو حمدان العم يسمحلي ويسمحلك نصلي ونتعبد بالشعر وللزجل نعمل رهبان

Name: يوسف سماحة   (Friday, March 05, 2010)
Zajal Lines:  زجل كلمة بعبدها ومني شاعر يا اخوان حتى الكلمة أسعدها رح جرب كل الألوان

Name: Wajih Fayad  (Saturday, February 27, 2010)
Zajal Lines: قالولي اشعار كتيــر منك نحنا سمعناها احفظها وخليها تصير مكتـوبي تا نقراها قلتلـــن وقتـي قصـير ومني حابب اتباهى قــالـوا ما بدا تفكيـــر اشعارك يامحلاها افتح موقع عالاثيـر واعطينا منك قصدان بتلاقينا نشرناها

Name: Wajih Fayad  (Saturday, February 27, 2010)			Email  HomePage
	Ajman		UAE
Profession/Business:  Businessman
Hobbies/Interests: Zajal & and all Poetry
Zajal Lines: شعرالزجل ياأخوان صورة عن سر بلادي مهما يبعـدالانسان بقلبو حامل زوادي كمشة معنى و قصدان ومعهـن ردات قرادي وموشحات لوان لوان للغايب دوم تنـادي ولمـا بيقلبو الحنان عيارتو بتقوى زيادي بيأمل يرجع عالبنان يغني أو يسمع أشعــار او يقعد مع ردادي

Name: يوسف سماحة  (Wednesday, February 24, 2010)
Zajal Lines:  يا فكاري جيبي وهاتي ردي وتنين تلاتي يا محمد بالشامتي مني معود ابياتي بقلك عندك مية حق ولك ضيعانو ن حبراتي يا يوسف بدها من جديد توضع ل الفكرة حارس وبالكلمة و- قول القصيد ما تفرك أقعد جالس الطوائف عنا أكيد العالم لبناني ناحس ولل الطا إفية رح زيد من الواجب نحنا نمارس ومن انجيلا نستفيد وقرانها بالمدارس بيفرح لبنان من جديد بجوامع وبكنائس والنوايا بالتحديد هالزمرة بالمجالس هني حطوا ايد ب ايد وحششوا ألاخضر واليابس فتيشي من بعيد wzattou تحتا بعض نعاكس والحية بدها بواريد نهاجمها بدون متاريس جورج محمد وفريد وبذر السم بعقصاتي

Name: محمد  أبو حمدان  (Monday, February 22, 2010)
Zajal Lines: ***** الطائفية منلغيها وحتال نقول خلصنا من النوايا ننسيها العالم رح بتجرصنا وحيتها ما نلفيها تا ما ترجع تعقصنا وكلمة حق منحكيها ما بيعلى راية بالكون على راية أرزاتي

Name: يوسف سماحة  (Monday, February 22, 2010)
Zajal Lines: ***** يا لبنان الفيزا شيل ومن دستورك إمحيها غصون الأرزة ما بتميل بالأرواح منفديها واليهودي عينو بشيل تتطليع انطلع فيها بلادي بهالجيل وغير جيل الله وحدو حاميها وهالزمرة بعد التحليل منقول الله يشفيها مابتعرف الا التدجيل وكلمة حق منحكيها وتا نرتاح من التمثيل الطائفية منلغيها وبو حمدان بفكر تقيل الأشعار البتغنيها دمعة عاطفتي بتسيل حتى اسقي ورداتي

Name: محمد أبو حمدان  (Thursday, February 18, 2010)
	كندا		تورنتو
Zajal Lines:  ما زال فهمت عليي واستكترتن بالحبرات ضلك غني ليليه وشيل العني والآهات وهالزمرة السياسيه ما بفديهن بالدمات موطنا العايش فيي رح بفديه بدماتي

Name: يوسف سماحة   (Saturday, February 13, 2010)
Zajal Lines:  يا محمد بالشامتي مني معود ابياتي بقلك عندك مية حق ولك ضيعانو ن حبراتي

Name: محمد أبو حمدان  (Saturday, February 13, 2010)
Zajal Lines:  يا يوسف الزعلان شو مالك بجو السياسة منشغل بالك عيف السياسة والسياسيين ما زال هني بعكس أفضالك شعار نحنا وفي لنا محبين بيسألو عنا وعن احوالك لافرق عنا بين دين ودين وبيضل عنا الشعر والكلمة بتفرح وبتعييد لأمثالك

Name: يوسف  سماحة  (Friday, February 12, 2010)
Zajal Lines:  ع أرضي زعلان كتير الخلوني منها أطلع مقضي بهلغربة تفكير بآييا نهار منرجع ولو بسأل شو بدو يصير وعليي مين بيسمع لا نائب ولا وزير ولا ريس قادر يشبع من الشعب لعندو تعصير عم يعصورهم تيرفع ابنه بعدو يصير كبير ومتلو يطلع! ما بينفع بيكفيكم حاجي تعتير تحطوا الشعب بهلموقع الأم العندا طفل زغير مش قادر منها يرضع أجبرتو جوزها حتى يطير وعبلاد الغربة يخلع بدال ما تركع حد سرير صارت تشحد لقمتها ولحضرتكم عم تركع

Name: youssef  Samaha  (Tuesday, February 02, 2010)
Zajal Lines:  M7ammid Maroun wMa3rouf ya 7asra kif sarou sfouf hayda b baroudi wsyouf jar byoudroub jarou kfouf whayda b7sabou fi 2louf whayda ma7lou2 wmantouf wlaw kan bish3ri w7rouf bi2dir ghayyir halmalouf bitrouk shighli wlayl nhar L-addi 3oumri ghanni

Name: محمد  أبو حمدان  (Saturday, January 23, 2010)
	كندا		تورنتو
Zajal Lines:  بالغربة يما بلبنان رح ابقى غني قصدان وكلما بتلاقى بإنسان مذوق بالشعر وفنان قلبي من الفرحة بيطير وبيصير يرقص ويغني محمد أبو حمدان

Name: محمد  أبو حمدان  (Saturday, January 23, 2010)
	كندا		تورنتو
Zajal Lines:  بالغربة يما بلبنان أخوة منبقى عن ايمان وكل ما بجامع أذن صوت يا جراس الإلفة طني محمد أبو حمدان

Name: Youssef Samaha  (Saturday, January 23, 2010)
Zajal Lines: . L-khiyalli btishar bil-layl 7atta tsamir najm shayl wbou7amdan bhayda-l kayl shou3rou mzahhir maylou wmayl wya hani ya abn jbeyl inta khiyyal-3la-l khayl ma tiz3al minni wya wayl LLy baddou yz3al minni

Name: محمد  أبو حمدان  (Friday, January 22, 2010)
Zajal Lines:  قلبي بيضحك مع سني محمد أبو حمدان

Name: محمد أبو حمدان  (Thursday, January 21, 2010)
Zajal Lines:  يا يوسف يا ابن الجود بحياة الرب المعبود لما عا لبنان نعود قلبي بيضحك مش سني محمد أبو حمدان

Name: محمد أبو حمدان  (Thursday, January 21, 2010)
	كندا		تورنتو
Zajal Lines:  بحياة الرب المعبود يا يوسف يا ابن الجود غير ما عا لبنان نعود مش ممكن يضحك سني محمد أبو حمدان

Name: youssef samaha  (Thursday, January 21, 2010)
Zajal Lines: raddi sari3a tghanna bshi3ri ya 7amdan btistahil a7la-l ousdan ni7na bilghourbi ikhwan wma bifarri2na insan wma fi a7la min libnan jannit ard bhal janni

Name: محمد  أبو حمدان  (Thursday, January 21, 2010)
	كندا		تورنتو
Zajal Lines:  يا سماحة ضلك غني ومن قلبي شيل العني مقامي بيكبر فيك كتير وما بقبل تبعد عني ==================== الشعر مرفرف أعلامو ومش ممكن يحني هامو مقامو عنا كتير كبير ونحنا منكبر بمقامو محمد أبو حمدان

Name: Youssef Samaha  (Wednesday, January 20, 2010)
Zajal Lines: . S2alt-l shi3r wi2lamo 3an raddi min kalamou Shaghghal fkrou b2a7lamo W Alli brannit anghamou Bou 7amdan m2amou kbir Mafi raddi mnmamou

Name: محمد أبو حمدان  (Monday, January 18, 2010)
	كندا		تورنتو
Zajal Lines:  يا سماحة اسمك حبيت والا بشعرك ما تغنيت بستغني عن ورد الدار وعن ورداتك ما استغنيت محمد أبو حمدان

Name: youssef  samaha  (Sunday, January 17, 2010)
Zajal Lines:  fkar-l 3indi a3la 3yar winta bta3rifni ya jar bta3rifni boukra afkar wbaddi awwis layl nhar 3a m7ammid 3a-l 3ikkary bward-l joury-l ba3dou zrar

Name: youssef  samaha  (Sunday, January 17, 2010)
Zajal Lines:  bta3rifni boukra afkar wbaddi awwis layl nhar 3a m7ammid 3a-l 3ikkary bward-l joury-l ba3dou zrar

Name: محمد أبو حمدان  (Sunday, January 17, 2010)
	كندا		تورنتو
Zajal Lines:  يوسف بالغربة جاري ودوم بيقرا أفكاري وحتى يعرف شو عياري يعيش بليلي ونهاري ولا يقوص عالعكاري وما يكون عليي جاني محمد أبو حمدان

Name: youssef  samaha  (Saturday, January 16, 2010)
Achievements/Education: for all the lebanese people
Zajal Lines:  inshallah mnirja3 ya 7amdan 3al-ard-l fiha-l Adian tzalghitlak Arzit Libnan tzalghitly-l Sinidyani

Name: youssef samaha  (Saturday, January 16, 2010)
Hobbies/Interests: .
Achievements/Education: .
Zajal Lines: 3rift b-innak mish mazloun wou mbayyin innak maghroum b7ai-l niswan 3am bit-oum ma tkazzib marra tani

Name: محمد  أبو حمدان  (Saturday, January 16, 2010)
	كندا		تورنتو
Zajal Lines:  أنا ويوسف يا اخوان عم نتعذب بالهجران وهاني بعمشيت بلبنان عايش عاللفاني

Name: هاني  ناصيف  (Saturday, January 16, 2010)
عمشيت - لبنان	لبنان		جبيل
Zajal Lines:  تركني بتماني مغروم وببحر الحب المرسوم بغرق بالشفة و بقوم اتسطح عالرماني

Name: youssef  samaha  (Saturday, January 16, 2010)
Zajal Lines:  mannak hayyin ya hani lbint-l 7addak diryani mannak inta msa7ib wi7di msa7ib shi sab3a tmani

Name: محمد  أبو حمدان  (Saturday, January 16, 2010)			Email
	كندا		تورنتو
Zajal Lines:  يا هاني العم بتعاني من كيد المرأة الجاني عم بتناقض حالك ليش وشقلبت الرد الثاني ======================= لا ترمي على حوا اللوم ولا تبقى متشائم دوم بتفاحو آدم ما انغر لو قلبو تعرف عالصوم محمد أبو حمدان

Name: هاني ناصيف  (Monday, January 11, 2010)
عمشيت - لبنان	جبيل		لبنان
Zajal Lines: . قالو يا هاني ليش بدموعك قسا نهارك حزن دمعك مسيطر بالمسا قلتلهن معليش هيدي حالتي الله لا يوقع حدا بكيد النسا والله شو راي الشعار الكرم

Name: هاني ناصيف  (Monday, January 11, 2010)
عمشيت - لبنان	جبيل		لبنان
Zajal Lines: كلما جمال السحر يعقد قنطرا و يرسم حلا عا خدود حلوة مبودرا بيوعى ضمير الحلم عا خدود الورق يكاغي جمال السحر بعيون المرا

Name: youssef samaha  (Sunday, December 27, 2009)
Zajal Lines: 7ilwin ya sharbel

Name: Charbel Najem  (Tuesday, December 01, 2009)			Email
	Doha	Doha	Qatar
Profession/Business:  Graphic Designer
Hobbies/Interests: Dear readers i have posted some of what i call "Khawater ta2eh" please enjoy as i enjoyed joining this website. there's few more if you like my style...
Zajal Lines: إلى "عِزّة" شمسِك بتِشرُق مِن فوق الرَّفيع و نورها بيرتاح على روابييكي و النّدى بينام و بيفرُش ربيع عَ الصّبُح مع وعْيِت أهاليكي لا بيطلَع الضّو و لا المسا بينام إلاّ مَ يصَبّحِك بكّير وعشيّي يمسّيكي و البِلبُل ما غَنّى و هِنيتلو الأحلام غير مَ دِعِي لَ رَبّي يِحميكي يا ضيعتي شو بقول و الحَكي قليل؟ قليل كتير شو مَ قِلْت فيكي شو بِحكي أنا لِمْ يِسكُت الزّغلول؟ و تِنحِني القمحات لِمّن غَنّيكي مِن" الرّوس" ريبوخ و كَمشِة عِزقان مِن "الضّهر" قمِح نِشويهُن فريكة و شوَيّة عِنَب مِن "خَلِّة النّعسان" و جواز ميّ مِن "النّبع" إسقيكي يا أرض "عِزّة" يا مَنبَع الإحسان رَبّيتِ كَبِرتي كيف بكافيكي؟ إن كان دَمّي فِداك يا لبنان بروحي و دَمّي بَدّي إفديكي. و يا حِلوتي... ان نسيتي فَليونِك كنيسِة السّيدة بتعود توعّيكي و بِتخَبّرِك عَن صبي مِن الصّبَيّان لِم يِدهَمو الخَوف بقلبو يصلّيكي يا ضَيعتي... يا ريت بتِتْغَيَر الإيّام لَ بحَفنِة دَهَب جيب و إرميكي و إدِرسِك ذَرّات بيحمِلها الزّمان و نجوم فوق الكَون إذريكي

Name: Charbel Najem  (Tuesday, December 01, 2009)			Email
	Doha	Doha	Qatar
Profession/Business:  Graphic Designer
Zajal Lines: مناجاة وحيد اللي ناقص بها الكون زايدني أنا وفايض عليّ الرّب و صوتي بيستجيب و مع كلّ ال عم بيزيد ناقصني أنا.... مش طمع يا ربّ! ....ناقصني حبيب صرلي ثلاث سنين صايم ع َ الحنان وصرلو القلب مدّة مش هينة... كئيب ربّي بثلاث أيّام خزّق الأكفان وحبّي بعد مَ مات دوره صار قريب تعبت تَ أمّنت كلّ اللي تمنّيت و بعد في كتير ولازم تستجيب و بعد في كتير و ما قدرت حصّلت مش طمع يا ربّ! ... ناقصني حبيب.

Name: Charbel Najem  (Tuesday, December 01, 2009)			Email
	Doha	Doha	Qatar
Profession/Business:  Graphic Designer
Zajal Lines: بِنت مَع الشّتي صبَّحكُن بِالخَير وِ الدِّنِي شُروقْ و الشّتِي رِياحات مَزغولِة بأَمَلْ بَانْ سِنّ الغَيم عَمْ يِضْحَك كتِيرْ و صَوت الرَّعِدْ جايِي مِنْ خَلْف التِّلَل سَارِحْ المَجنُون و الوَحِل عَ الطُّرقَاتْ و المُلوّت بالشِّتِي مَا يخَاف البَلل و مُنقُطِع عَنْ الكَون و السَّمَا و الأرض صَوتْهُن عِليَان كأَنّو جَدَلْ. شِفْت مِنْ البعِيد مِنْ بَينِ الحُبوبْ نَقْلِة بِنت بِالجِرْد، و بِتهِزّ الجَبَلْ و أَسرَع مِنْ الحَبَّات الْ عَمْ تِنزَل عَ الأَرض مِنْ السَّما نِزْلت مِنْ خَلْفْ الأزَل مِتِلْ شي نَحلِةْ، مِتِلْ شي عَصْفور مِتِلْ شي بِلبُلْ، مِتِل شي حَجَلْ كَرْجِتْ بِنْت لَيلَى مِن بَيْنِ الزّهورْ و شفَافْهَا الحِلْوِة بِتْنَقِّطْ عَسَلْ. قَمطَة مِنْ حَريرْ، وْ كَنزِة شِغِلْ صوفْ وْ شالْ قُطُنْ مَغزول أحلى مِنْ الغَزَلْ و تَنّورِة المُخْمَلْ الّلي مِنْهَا مَحْسودْ غَطِّتْ كْوَاحِلْ زَيَّنها الخَجَلْ نِيّال حْبُوب الشِّتِي عَ خُصَل شَعِرْها اشتَهَيت إنِّي كُونْ نُقْطَة عَ الخُصل و مِنْ عِيونْها اتمَنَّيتْ إتحَوَّلْ سَمَا إِعكُس لَون عِيونْها عَ باقي الدُّول. لا بتِكْفِي الحروف و لا حتَّى كِلمَاتْ و لا اِن حِكِي المَغرُوم ووَصَفها بْجُمَل كَنّا شِي قِدّيس و عَمْ يُفرُزْ بَخّور و جِيبوا سْلال الكَوْن لَنْعَبِّي السِّلَل.

Name: yousseph Samaha  (Friday, November 06, 2009)
Achievements/Education: fikrak khanak ya 7amdan 3shi2t-lshaara wissamra biskar min si7r nniswan rou7 msama7 halmarra

Name: محمد  أبو حمدان  (Friday, November 06, 2009)
	كندا		تورنتو
Zajal Lines:  عم ذوب بنار الأشواق وجمرة مقابيلي جمرة فكرتك شاعر عشاق طلعت مغلبط بالنمرة مع تحياتي محمد أبو حمدان

Name: youssef  samaha  (Friday, November 06, 2009)
Zajal Lines:  shaara -samra bla7oumra btiskirni min doun khamra l7oumra 3am ti7rou2 shou3ar mish tali3 shi min amra

Name: محمد أبو حمدان  (Thursday, November 05, 2009)			Email
	كندا		تورنتو
Zajal Lines:  شفاف الشقرا والسمرا بتسكرني من دون خمرا وحمرة عا شفاف التنتين بتحرقني متل الجمرا محمد أبو حمدان مع تحياتي للشاعر يوسف سماحة

Name: youssef samaha  (Monday, November 02, 2009)
Zajal Lines: la shaara wla samra btiskirni min doon khamra biskar lamma shfafa bshouf hamra min doun L-7oumra

Name: mich sal  (Friday, October 16, 2009)			Email
zah	zahl	bekaa	lebanon
70707070	70787070
Profession/Business:  it
Hobbies/Interests: zajal
Achievements/Education: it manager
Zajal Lines: zajal

Name: benhanbel ahmed  (Wednesday, July 15, 2009)			Email
01 sbata	casablanca	ain chok
0612062082	0612062082
Profession/Business:  commercial
Hobbies/Interests: ما بين سواقي أو وديان، فاحت نسام الريحان،ومابين جنان وجنان،تفرشت الأرض الورد والريحان، علام الربيع بشارة، وابين نوارة ونوارة مياة حجة وزيارة.تفرشت الأرض خوابي، يعشش فيها انحل الطنان، و ولات الأرض زرابي ،تمتل بجنان الرضوان، توقيع أحمد بنحنبل.
Achievements/Education:  afficher les détails 10 juin حبيبي، لاتسمعشي لكلام، خرايف أوهام ، عليك بغاو يفرقوني، واصل بكل الإقدام، دوسهم بالأقدام، مايهموك ولا يهموني، واصل حبنا للأمام، يحارب الأهام، شحال كدهم يحسدوك ويحسدوني،كلبك بلغ ليه السلام، عندي مرفوع لمقام ،وجوارحي سبقوني،نحبك عل الدوام،معاك تحلى ليام، ميمكن تعيش من دوني.
Zajal Lines:  date 12 mai 2009 21:01 envoyé par gmail.com مشاعلي حبي أنا، ما بقيت عايش فلهنا، غاب هدي كثر من سنة، واش نعمل أنا، وا مكواني معاه، واش من حيلة تنفع معاه، عطيتو حبي، كثر من قلبي، ما قدرت نخبي،و شاهد ربي، ما بيدي منعمل، باش يجمع شمل، و لموراد يكمل، نتسطا ولا نهبل ، وصبر هو دواه، ولاش أحبي ،غدرتي بي، نترجاك أنا، صباح وعشي، ونت مرفوع، ما حاس بي، لحتني فلواد، لا عوين ، لا زاد، دمعي هواد، كولي علاه، Répondre Transférer date 12 mai 2009 21:01 envoyé par gmail.com مشاعلي حبي أنا، ما بقيت عايش فلهنا، غاب هدي كثر من سنة، واش نعمل أنا، وا مكواني معاه، واش من حيلة تنفع معاه، عطيتو حبي، كثر من قلبي، ما قدرت نخبي،و شاهد ربي، ما بيدي منعمل، باش يجمع شمل، و لموراد يكمل، نتسطا ولا نهبل ، وصبر هو دواه، ولاش أحبي ،غدرتي بي، نترجاك أنا، صباح وعشي، ونت مرفوع، ما حاس بي، لحتني فلواد، لا عوين ، لا زاد، دمعي هواد، كولي علاه، شريفةوبنت الأصول، على الحب قلبي مجبول، مغربية واش المعمول، الزين الحشمة والمعقول، ورتهم على جدادي، ونوريهم لولاد بلادي، بيهم نفتخر يا سيادي، فضلهم علي مشمول، لحداكة أنا الأولى، بالحب ديمامشمولا، وين ما حليت ديما مقبولا، بنت بلادي وعندي ما نقول، فكل مرفق تم تلكاني، حب العمل راه سباني، بلمضمة أنا وقفطاني، و ولدي على ظهري محمول، مغربية وبنت الأصول ، واللي عندو ميقول يقول.

Name: benhanbel ahmed  (Wednesday, July 15, 2009)			Email
sbata	casablanca	ain chok	morocco
0612062082	0612062082
Profession/Business:  commercial
Hobbies/Interests: je suis un écrivain poéte marocain.

Name: salem salem  (Tuesday, July 07, 2009)			Email  HomePage
sour	sour	sour	lebanon
0737456	07375456
Profession/Business:  engeneering

Name: yousseph samaha  (Friday, June 19, 2009)			Email
188 deerfield rd	newmarket	Ontario	Canada
9058534419
Profession/Business:  auto repair technician
Hobbies/Interests: Zajal and music
Achievements/Education: Licenced automotive and truck technician
Zajal Lines: 7atit idi 3a khaddi w3am ouara bkil-mwaddi bhalsaf7a-lfiha shou33ar nazzil ma3houm shi raddy

Name: محمد أبو حمدان  (Friday, December 19, 2008)
	كندا		تورنتو
Zajal Lines:  في ناس بتسكر من كاس وناس بتسكر من نظرة وعيارة خمر الاحساس أقوى عيارات الخمرة محمد أبو حمدان

Name: antoun el aachy  (Tuesday, December 09, 2008)			Email
darb-es-sim saida	saida	saida	lebanon
03161958	07200556
Profession/Business:  civil engeneer
Hobbies/Interests: basket ball and zajal
Achievements/Education: master in civil engeneer
Zajal Lines: شاعر في عندي احساس مكون بي عكس التكوين والناس بتسكر من كاس وبسكر بعيون الحلوين

Name: jean  imad   (Friday, November 14, 2008)			Email
2570 southvale #4	ottawa	ontario	canada
613 739 0654
Zajal Lines:  lebnana lmassloub 3ala 5ssoun hal arzat tebki w tedma3 dam men cha2a hroubatou kel mankala5la ghossen betfari5 el miyat w kel man2ata3la rass biyeshma5ou 3naydatou

Name:  jean  imad   (Friday, November 14, 2008)
Zajal Lines:  lebnana lmassloub 3ala ghssoun hal arzat tebki w tedma3 dam men sha2a 7roubatou kel mankala5la ghossen betfari5 el miyat w kel man2ata3la rass biyeshma5ou 3naydatou w ba3ed fahess el 2ouloub w safa el niyat wahdou arez lebnan 7afaz 3ala sifatou 3aynou 3ala sha3eb el karassi w 7ob el za3amat a3id 3ala mabrad shar 2ilassih bidamatou sha3eb tami3 bel 7ekem 3am yelhass el damat 3ala mabrade shar el tawa2if w 2a7zab jouwatou darou daherhoum lel ghadre wet3akasou el jehat w ma3erfou min bi 2afahoum faragh rssasatou w lebnan ya shab el helou 3ash2ouk hal banat ngharmit sabaya kawen hal douwal banatou wahdak dakar wel mo7el 5ala el 5inat terkab bi daher el fahel tel3ab bi3a2latou salbouk ya lebnan wet2assamou el sighat w fi menoun dabet bi hal ared massatou kel min hagar w fal 5assarnna el moujawharat w kel min stashhad w mat marhouni sighatou w kanez el tamin yali bi2i samid bihal sahat 7arab fe3al el shar bissawmou w salatou hayda sha3eb gabar dawa bihal 3atmat yebroum 3ala 2ebrit ha2 bikwam ashatou wayn el ha2i2a tengili tkashi7 el ghaymat tatfari7 aleb men agelha adam hayatou w 2aleb kel min stashhad w adam taddhiyat taya3erfou el kefar 2imit ta2dimatou manou 5atiyi el ghalat law 3oti mtilat el 5atiyi 3ened maykamil el 2enssan bighaltatou 2issalih ghalat bi ghalat hay absha3 el sayi2at w yesskar tayenssa el mada betzid 3elatou lesh todroub el natour ya assid el karmat tade2et 7amed el more wel hossroum bi3enbatou w mahma 2i2oul el dib sata 3ala na3jat yali bi 7alib enkawa binafi5 3ala labnatou sorry rah no2tosha honne ba3e3d fi ad hawdi 3ala 4 marat nshala tkounou habaytouwa

Name:  johnny  fares   (Friday, November 14, 2008)
Zajal Lines:  يا راجعة من بعد ما الشوق انعدم ما عاد يجبر خاطرك الا الندم لبيعلا عليي شبر واحد بالهوا بعلا على الي خللفو 100 قدم الشاعر سعيد العشي

Name: نصر نصر الدين  (Thursday, July 24, 2008)			Email  HomePage
كسرى - الجليل - فلسطين	كسرى	الجليل	فلسطين
792 509872932	790 4 9872396
Profession/Business:  pc technician
Hobbies/Interests: A lot of things
Zajal Lines: هذه اول مرة بدخل الموقع وبصراحة عجبني كثير قريت أبيات الأخ حرف الشاعر الأخيرة عن الحلم وذكرني بأبيات متواضعة كنت كاتبها زمان بتمنى يعجبوكن ********** شِـفــْـت الحِـلـوه عا بَـكـّـيـر ....... تـعَــبِّـي مَـيِّة مْـن ِ الـنــَّـبْــعَــة غـمـزتا مـن بـعـد التصفـيـر ........ قـِـلـْـتـِـلا سْــقِـــيــنــي دَمْــعَــة شـفـافـي عَـطـشـانين كــثـيـر ....... صـرلي مـو شـارب جُــمْــعَـة قــالـتـلـي تــكــرم يـا زيـــر ....... سْـتـَـنـّاني خـلـف الــمــرعـــى كِـنت مْن ِالفرحة رح طـيـر ....... وِقـْطـَعـْت المرعى بْــسُــرْعَــة عـقـلـي غِــفِــي بالـتـفـكـيـر ........ وفِـقِـت عـا صَـوْت الـجَّــمْـعَـة ما فـهـمـت شـو عـمـيصيـر ......... ولــيــش العـالـم مِــجْــتِــمْــعَـة تـاري هـالـجـمـع الـغــفـيـر ......... بَـــيَّــا وإخـــواتــا الــسَّـــبْـعـَـة إحْـتـاروا يرمـوني بـالـبـيـر ......... ولا مِــن ْ سَــطـــح الــقــلـعــة كـف كـبـيـر وكـف صغـير ......... خــلــوني بـحــالــة شِــنــْعـَــة وخـدودي صابُــن تِـحْـمـير ......... حَـــرارتــْهـُـن مِـرْتـِــفــْـعَـــة رَوَّحْت مْـكــَـسَّــر تِـكـسـيـر ......... كـل خـطــوة أوقــع وَقــْـعَـــة

Name: 7arf el sha3er  (Friday, June 20, 2008)
Hobbies/Interests: جنية غرام والحرف
Zajal Lines:  عالعين كانت رايحة بكــــــير ورايح عاشغلي بلتقي فيـــــها وقفّت صبحها وشو رح يصير بكلمة صباح الخير إحكيـــــها فيي بتتطلع بدمع كثـــــــــــير ويسعد صباحك قال غنيـــــها تمنيت حالي كون طير وطير واطوي الدني وبالقلب خبيها = = = = = = = = الغاية عاشغلي ماعــــدت كفيت = وضيعت وين بروح يــــومتها صليت تافـيــــــــــها انا تلاقيت = بفرصة إلي تساقب عافرصتها قالت بمطرح ما إلي غنــيـــــت = ومـــالحّقِت تاتقول كلمــتـــــــها إلا وراها طل عــــــــــالسكيت = خيـــا وبـيّا ونص عيلتـــــــــــها عملت حالي عم بقيس الزيــــت = وسيــارتي بتغلي حرارتـــــــها واحترت كيف بسرعتي كـبــيت = ميــاتها اللي بقلب جرتـــــــــها فكرت زبطت متل مــــــاتمنـيت = ومابيكشفوا أمري بميتـــــــــها إلا وأخوها من قبل شو حكيـت = بتخبرو بالامر جارتــــــــــــها بيفتح السيارة على النـصـّــــيـت = يشوف الحرارة ورقم ساعتــها عربشت حدو وفكرتي كفـــــيت = وعطـلت الساعة وكل حركتها قلي انا في أمركــــــــــن شكـيت = واختي لاتلعب في محبتــــــهـا قلت الصراحة بحبها وحبــــيت = العيلة تاصفي من قرابتـــــــــهـا اختك ياروحي كل اخت ياريت = البـتـكون متلا عاسلامتـــــــهـا اختك شريفة بتغلط انشكـــــيت = بحلوة تحــافظ عاكرامتـــــــــهـا تسلم بيقلي المشكـــــــلة حــلـيت = شـرّف الليلة نقيم سهرتـــــــــها حكيك حلو وعليك مـــــاخليـت = تهمنا غلط اختي وعفــتـــــــــها إلنا الشرف تبقى الصهر للبيـت = وغـالي تصفي في غلاوتـــــهـا وافقت قلتلو بعد مــــاصغـــيـت = انطرني الليلة بقــيم خطبـتـــــها ومن بعدها طل المسا تمـشـيـت = عابيتها وقصدت حارتـــــــــــهـا وراسي قبل ايدي غلط دقـــيــت = ووعيت من حلمي وقلت ياريت بيقظة عيوني نهار شافتها =========================

Name: 7arf el sha3er  (Friday, June 20, 2008)
Achievements/Education: منشروقيات حرف عم تدرس قضاة ============
Zajal Lines:  طل الربيع الحلو بزهرو الحمل ألوان ولبس البيدفي البشر بديوا بتغييروا وانتي لبستي حفر يمكن قبل نيسان وبمّحل ثوب القصر لعيون بيصيروا وقدي ماحب الحبق يمكن ولا إنسان وكرمال عطرو. الحرف زادت مشاويرو تايضل ينشق عطر ويصورو بقصدان وبالشعر متل الحرف مافي بتعبيرو ومطرح مارحنا سوا وصار العبير يبان والريح فيكي سكب لحنو وتعبيرو بين العراوي لمس ورد وزهر بستان ونقزةّ ديوك الحجل نقزوا فرافيرو قلتي قضاة العصر حبسن سجن منصان جاوبت متل القفص ساجن عصافيرو ولوكان عندك عدل وبتعرفي التحنان إخلي سبيلن بقا وخليهن يطيروا ================

Name: 7arf el sha3er  (Friday, June 20, 2008)
Zajal Lines: انا تلاتي الحروف بمملاكاتي الصدى والنور والحرف البذاتي لهم اسرار من عنوان أبعد البَوح بالروح مش من فلسفاتي وثلاث اسماء من شعري بتسعد انا وانتي بشردةّ ذكرياتي وثلاث الوان فجر وليل ابعد من قوس القزح ومعلقاتي واذا بمطرح صدى سكنتي مودد رحت فتش عليكي ببحر عاتي واذا فوق المدى كنتي وازود عنك ببحث وانتي مناتي ولأنو تبعثروا حروفي بمعبد عندما تمتموا شفافك صلاتي وجنب عنوان اسمك رحت اصعد سمعت انغام من صوتك موسيقى حياتي زيّن وانتي حياتي =========

Name: محمد أبو حمدان  (Tuesday, May 20, 2008)
Zajal Lines:  مباراة زجلية في مدينة تورنتو في 25 نيسان 2008 بين الشعراء جريس البستاني و أنطون سعادة مباراة الزجل كانت في مطعم " التاج " لصاحبه أنور رباح افتتحت الحفلة بالغرب مطرح ما علم لبنان لاح ما بتاكل اللقمة اللي منها الجود فاح الا بمطلق بيت لبناني أصيل يما بمطعم تاجنا أنور رباح ==================================== ابتسم عرس الزجل والليل غنا واجا ياخذ صور نيسان عنا يا أهلى بورد عم يضحك قبالي يا أهلى بملتقى الشعار عنا وأنا كيف بوطنا بشوف حالي حالي بشوف بملوك المعنى هلا بجريس بتاريخ الأصالي بالسيف الضرب ضربة وما تنا وهلا بأنطون عنوان البسالي البشعرو رقص رماح الأسنى اشو عا جوانح الشعر الخيالي بحفلة النحل منها عطر جنا بحنين الأم والبي المثالي يردونا على البيت الحضنا ويا محبين يا كنوز اللآلي فيكن متل ما الشاعر تغنا ويا شعار القصيد الأرتجالي فيكن متل ما المنبر تكنا وكيف اليوم جمعتنا الليالي انشالله تعود تجمعنا المحبة تحت جوانح الأرز بوطنا محمد أبو حمدان تورنتو - كندا قال الشاعر جريس البستاني نحنا منغني معنى بالمهجر وبموطنا ولما محمد بو حمدان يغني بتستغنو عنا ====================================

Name: محمد أبو حمدان  (Tuesday, May 20, 2008)
Zajal Lines:  تحياتي للشاعر هاني ناصيف من عمشيت جبيل - لبنان عمشيت يللي حسابها الغالي انحسب اسمها بالنور والعطر انكتب وانت يا هاني يا شلال الأدب تشكر ع هالشعر اللي كاسو بينشرب قلب الذهب مش ممكن قبالك يذوب لو ما حديثك انت أغلى من الذهب محمد أبو حمدان تورنتو - كندا

Name: وائل ايوب  (Monday, April 14, 2008)
Zajal Lines:  بتتذكري ايام كنت تلعبي بقلب الحكوره وتركضي تا تتعبي وانشد الك اشعار من شعر النبي جبران وايليا اللي في دمي ربي وامك تنقي عدس فوق المصطبي تسمع تهامسنا بنوايا طيبي تقولك شو جيتي ع الحكوره تعملي تقوليلها عطشانه جايي تشربي

Name: hany  nassif  (Monday, April 14, 2008)			Email
amchit	jbeil		lebanon
961.3.368 024
Zajal Lines: شعرك يا بو حمدان وقت اللي انكتب صارت الكلمة تعرق و تولع لهب لو انقاس شعرك جنب الفماس الدني لا يخجل الالماس و يدوب الدهب

Name: وائل ايوب ايوب  (Friday, April 11, 2008)
Zajal Lines: ي اخواني رصيدي مش موالي ولا عندي جواهر ع تلالي انا كنزي رضا امي عليي رضا امي دفعني للمعالي ومثل ما حملت ابني عا يديي حملتني ومعي سهرت ليالي سهر رب الخليقه ع البريي وسهر بدر السما في جو عالي وسهر حاكم على اصعب قضيي ت رجح كف ميزان العدالي وسهر مجنون ليلى العامريي بصحرا الحب ع الطيف الخيالي ايا ست الحبايب يا تقيي لبست بعيدك من النور هالي وجودك هدف سامي ومعنويي وحياتك ع الارض اصدق رسالي انت مصدر السمعه النقيي يا قلب من الحقد والحسد خالي واذا قدمتلك مني هديي قليله لو بقدملك عيوني ولعينيك بيرخص كل غالي

Name: Hani  nassif  (Thursday, March 27, 2008)
amchit	jbeil		lebanon
961.3.368204
Zajal Lines: مرة قصدني ساعر الحب العظيم قلي يا هاني حالتك الله عليم شفلك حكيم يكون واعي مش غشيم تا يعالجك من داء حب المستديم قصدت الحكيم و صرت اروي من الصميم عن بنت اية مجسدة بجسم السليم شفت الحكيم اصفّر لونو و شي اليم و قلي يا ابني ما الك الا الكريم ما اخدت منو غير حكمي بدون ميم و طلعت باكي ما الي الا الكريم تاري اخونا عاشق و تاني نهار جابو حكيم كبير تا يشفي الحكبم

Name: hany  nassif  (Monday, March 24, 2008)
amchit	jbeil		lebanon
Zajal Lines: مرة قصدني راهب بليل الحلا قلي يا ابني حاج عايش بلبلا تعقل يا ابن و توب تا تحصل على حلة لخطايا انت و حدك عاملا الخمرة يا ابني طيبي و من حللا لاكن انت بحالتك ما منقبلا هند و ليال و ساندرا و ليلى و حلا و كتر التنقل بالهوى من و الى هيدا زنى و مخالفة رب العلى صلي يا ابني و صوم تا انقلك هلا قلتلو يا محترم ما تكملا قصة بريق الزيت صاير ماللا فروضي تجاه الرب مني هاملا و رح قلك القصة و انت حللا البوسة يا بونا فوق شفة شاعلي بتسوى الي مليون ساعة من الصلا هاني ناصيف

Name: مفيد فارس  (Thursday, March 13, 2008)			Email
حرفيش	فلسطين
Zajal Lines: يا عيّني على ريحة الزعتر المزروع والحبق بالدار والنعنع الاخضر و عً كسرة خبز لما تحس بجوع مرقوقه ومغمسي بالزيت والزعتر ومن مصنع بلادي الحلا مصنوع مثلو ما رح تلاقي بغربتك منظر بيوصفلك الدكتور لو قلبك الموجوع تحت دالي بسما لبنان أسهر وبًدل ما بأوروبا تروح تضوي شموع وبقلب باراتها تتخلوع وتسكر عً أرضك رجاع شو حلو الرجوع ومن ترابها الطيب روح وتغبر ولِك شو بحبك يا موطني وممنوع يبقى الباب ع الاحباب متسكر وبدل ما نبكي ونذرف دموع وغصن الربيعي الحلو يتكسر تعو نمسح دمعنا المفجوع وسوى نكون من الجرح أكبر تعو نعمر منابرنا طلوع وشو حلو لبنان الحلو يتعمر الخيط الضعيف وأذا مقطوع بالوصل بيعودالخيط يتعبر وعلو الصوت خلو الصوت مسموع وتسمع الدني عن شعب ما تقهقر حلوي الطبيعه شلال مع ينبوع والورد مفلوش اصفر على أحمر وخد الشمس فوق السما مطبوع ولبنان جنة وحي وشعر منبر

Name: محمد أبو حمدان  (Wednesday, January 30, 2008)
	كندا		تورنتو
Zajal Lines:  اتصلت بالأهل اليوم في جبل لبنان وقالو لي أن الثلج يغطي معظم الأراضي اللبنانية,فربما ينسى الشعب اللبناني الدخان الأسود وتصبح قلوب الناس بيضاء كبياض الثلج فوق جبالنا ============================================ طل الثلج طل الثلج وقلوبنا قالو الجسم اللبس هالثوب نيالو لو ما الثلج عطر الأرض ما كان ولا في حلم زهر بآمالو لبنان عا جبالو الثلج خلقان أبيض بلون سيوف أبطالو وغزلت الشمس من الثلج خيطان وفستان لبست شغل مغزالو ولما بوطنا تغير العدان ونشف لنبع الحب شلالو بين النوايا السود والدخان صار الثلج مخجول من حالو فلت الشمس وشلحت الفستان وفستان أسود لبست بدالو واسود لون الثلج في لبنان ولبنان غير ما يعود متل الثلج الشمس ما بترجع على جبالو محمد أبو حمدان

Name: محمد أبو حمدان  (Sunday, November 04, 2007)
Zajal Lines:  الشعر عاشق نقلتو نقلة حجل ومش بس شاعر كل من شعرو ارتجل البيكون عندو ذوق ومحبة و شعور بيكون شاعر كلمتو ردة زجل محمد أبو حمدان تورنتو - كندا

Name: محمد  أبو حمدان  (Sunday, November 04, 2007)
Zajal Lines:  قالو أجلو الجلسه ببلادي وعلى التأجيل قلنا يا خجلنا يا خوفي ياخذو التأجيل عادة وكثر تأجيلن يقرب أجلنا ========================== يا موطني كل حاكم بأرضك قطن يا غبن ما عطيتو الوحي وأحلا الفطن بمصلحتهم بس عم بيفكرو وما في حدا مفكر بمصلحة الوطن محمد أبو حمدان تورنتو - كندا

Name: محمد أبو حمدان  (Sunday, November 04, 2007)			HomePage
Zajal Lines:  الأنتخابات الرئاسية في لبنان عنا بلبنان الحلو خصله العنقود ننسا ونمسك الخصلي وبالرئيس اليوم مشغولين وناسيين المشكل الأصلي المشكل الأصلي ليش مختلفين عا سياسة البلغير متصلي عملو الوطن مسرح المسؤولين وكل مين بيمثل عالوطن وصله بدنا رئيس يكون عالي جبين ويكون لبناني وذهب أصلي وصار النا بهالتمني سنين ويا خوفنا من بعد طول صيام نتسحر ونفطر على بصله محمد أبو حمدان تورنتو - كندا ====================================== وعلى ذكر الرئيس وعالرئاسي الغلط منا ما شدينا المراسي أمنا لبشر مش مستقيمه بوطنا وصلونا لوضع قاسي الهجر أفضل من مذله لئيمه فينا عملت الدره نحاسي انشالله بلادنا بتبقى يتيمه من اللي حملوها هالمآسي ما بدنا شخص بمظله فخيمه ينزل مشتري خلفو الحراسي بدنا شخص من عيله كريمه من الشعب الألو الدور الأساسي رئيس يحس بالحاله الأليمه وحقوق الشعب ما يكون ناسي بدنا يكون لبناني العزيمه ومش مرهون لرجال السياسه من راسو قراراتو العظيمه وبعدلو يضرب الرقم القياسي ما بدنا يكون كرسي بدون قيمه كراسي فاضيه ما عاد بدنا صار في كتير في عنا كراسي محمد أبو حمدان تورنتو - كندا

Name: Ammar El Baradei  (Tuesday, August 07, 2007)			HomePage
Lebanon
Zajal Lines: العمر ... العمر بيخـاف يقرب ع شـوارو ... خوفةّ كهـــل شعر الشيب زارو لأنـــــــو نهر ماشي ومابيرجع ... ولابيقدر حدا يرجّع نهــــــــارو العمر مشـــوار مش نبعة بتنبع ... ولمـــا فردنا بتملى جـــــــرارو بيتمنى شي عشــر سنين يرجع ... ويعمل طفل ويليعب زغـــــارو والأنسان مهما سنين يجـــــمع ... وضنّ الشيب منعوت بوقـــــارو أمير وعبد من موتو بيـــــفزع ... ومابيرحم زغارو ولا كبـــارو ياويلو البلدني معربش مطمّــع ... حسودي ونظرتو ع رزق جارو وعلى الربعة بيقاتل مـــاتمـنّـع ... وشبر أرض الفني أهلا. مسارو وقبل ماورقِتو الأنسان توقـــع ... وينسى الموت قوطب ع قرارو عن المنيح أوعى النفس يمنـع ... حتى من بعد موتو يقـــــــــولوا الله يرحمو التارك ديارو ***

Name: مفيد فارس  (Friday, June 15, 2007)
حرفيش
Zajal Lines:  جيش لبنان يا حامي العرين مهما تآمروا عليك السافلين الا علم لبنان ما منرفع علم والا لجيش الأرز ما منحني جبين

Name: Ammar el Baradei  (Saturday, June 09, 2007)			HomePage
Lebanon
Zajal Lines:  يــــاحــق إيد الغدر قيـد لي وأرّخ كلامي وشعـــر قيــدلي قديـش بدك للفدا قديــش جايي بروحي شهـــادتي إدلي شاعـــــر خلقت بموطني والعيش بحبو بسلام وحَب يشـــــــهدلي بصوتي صرخت مشيت عالطميش وشعري نشيد الجيش ينشـدلي بكل شي سامحنا بهالوطن معليش وكذبة السياسة الوضع أكدلي لكن إذا قرّب حدا عالجـــيـش رح زت دفي والقلم والشـــعر واحمل بارودي وإلبس البدلة

Name: مفيد فارس  (Thursday, June 07, 2007)			Email
حرفيش
Zajal Lines: ع مفرق ال كان يسمعنا من قبل ما الاحلام ودعنا بعد في حرفيّن ع المقعد وقلب صغير بالقلب يجمعنا وشتت الدني من بعد الغياب ولبست هالارض احلى ثياب وأنا ثوبي ال بقي مجعّد والدمع نازل مثل مزراب من يوم ما غاب القمر عني صرت شوف القمر بوابي وبنطر لوحدي الليل مستني بلكي بيرجعو من القمر احبابي و ع المقعد اللي جامع القلبين بعد مدي رحت تازورو شفت حرف صغير ع الحرفين من نور القمر سرقان نورو وفوق الحرف محفوره وردتيّن من مشتل ال بايعنا عطورو قلت انتي يا حياتي ويّن وعلى خدودي نزلو دمعتيّن وع مفرق ال كان يسمعنا من قبل ما الاحلام ودعنا صارو ثلاث حروف ع المقعد وقلب صغير ما عاد يجمعنا

Name: عمار البراضعي  (Friday, May 25, 2007)
لبنــــــــــــــــــــان
Zajal Lines: لبنان داخ الكون بترابـــــــو والناس كلها بتحسب حسابــــــو جبالو قراب للغيمة العلــــية أساسات السما الرحمن جـابــــو ابنو الكرز بنتو مش صبيــــة أرزة مختيرة تمجد شبابـــــــــو بيو العلم إمو الابجديــــــــة الحضارة اخت فلسفتو وكتابــــو تعا ياكل لبـــناني ياخيـــي وطنا نعالج ونعرف شو صابـــو تعا ننسى جروح الطائفيــــــة اللي فينا فرقوا وعملوا حـرابــو كفانا تفرقة بدين وهويـــــــــة البلد عم يكبر علينا مصابـــــــو الواجب نتحد عن طيب نيـــة وندعم جيشنا ونلبس ثيابـــــــــو الوطن مش مرجلة بالألكثرية اذا بيفرقوا ونسيوا حبابــــو ولا فيها مرجلة بالأقليـــــــة حركتو يعطلو وتفضى جـــــيابو الوطن مجروح بيكفي أذيــــة وحتى يضمدوا جروحو صحابو الوطن للكل بيساع البقـيـة اذا بيلتف حــول الجيش شعبو بيرجع بيرقو يعانق سحابو

Name: محمد أبو حمدان  (Saturday, May 12, 2007)
	كندا		تورنتو
Zajal Lines:  ألقيت هذه الأبيات الشعرية أثناء حفلة زجلية في مدينة تورنتو كندا للشعراء زغلول الدامور و عادل خداج, بتاريخ الجمعة 27 ،نيسان 2007 ************************************** كتر ألف خيرك يا موطنا بأحلى خبر تا نضل نتهنا تودي سياسي بعد مش مسموح ودي بدالو شاعر معنا ياما السياسه حملتنا جروح بأسخف حكي عالواقع تجنا وحدو بيجي الشاعر بيرد الروح وعن أهلنا نتفه بيطمنا عادل غصن من بين أعلى شلوح الأرزة اللي فيها وجودنا تغنا شاعر مثقف شهم كلو طموح وأجمل تحية في الو منا وزغلولنا العينين عم بتشوح عليك وقدومك عم منستنا انت السفير بزهرك البيفوح ووين ما رحت صورة كنت عنا بصوتك البيبلسم المجروح بشعرك الفيه الورد زينا ياما بتجي سفرا بعلم بيلوح وبتروح فينا ما بتتكنا وبعدك انت حتى بكل وضوح بين السفيرين القلب غنا السفير تا نشوفو الو منروح ويا سفير الشعر يا زغلول من محبتك انت بتجي لعنا محمد أبو حمدان

Name: محمد أبو حمدان  (Saturday, May 05, 2007)
	كندا		تورنتو
Zajal Lines:  في شاعر بيفاخر بشعرو الجميل وبيشوف حالو بالقصيدة القالها وابن العزير , شاعرنا النبيل هيي القصيدة فيه شافت حالها محمد أبو حمدان أهلا بك أخ نبيل في موقع الزجل,هذا الموقع الذي هو لجميع الشعراء.خوذ راحتك .فأهلا بك وبشعرك الجميل محمد أبو حمدان

Name: Nabil  Ozeir  (Saturday, May 05, 2007)			Email
	Chemestar	El bekaa baalbek	Lebanon
00 9613662796	00 968330931
Achievements/Education:  ان حياتي عادية جدا لا يوجد فيها محطات تستحق الذكر اما بانسبة لكتابة الشعر فقد كتبت اولى قصائدي وانا في الثانية عشر من عمري وتابعت الكتابة حتى سن الثانية والعشرين عندما تسنى لي ان اشارك في برنامج استوديو الفن للهواة وقد استطعت ان اتفوق على الشعراء المنافسين فمثلت محافظة بيروت عن فئة الشعر العامي واكملنا المسابقة وحالفني التوفيق في ان اكون من الشعراء الثلاثة الذين مثلوا لبنان عن هذه الفئة دون ان تقرر لجنة الحكم من هو الاول والثاني والثالث بسبب توقف البرنامج لسوء الاحوال الامنية , احب ان انضم الى منتداكم لاقدم بعض مشاركاتي وقصائدي علها تنال اعجابكم . نبيل العزير
Zajal Lines:  بعدك على خيال الهوى عم تكتبي اخبار وبعدو الهوى لعندي عم يبعت خبارو من هيك كل ما الهوى بيداعب الازهار بشعر عا قلبي انتعش من ريحة زرارو بعدك بليل السحر انت وقمر نوار يرشق عليك العطر ويفل عا دارو ويطب وجهو قهر يتعذب ويحتار يمكن جمالك سرق للبدر انوارو بعدك وبعدو النحل عم يلحقك عالدار ينقي قراص العسل تا تنتلي جرارو والورد بعدو بحيا مشكل على الزنار تا يصير متلو حلو عم يسرق سرارو طل الربيع استحى يا خجلتو من العار ما حاك بعد التعب للزند اسوارو لونو بعيونك بقي وودع شهر اذار خاف لو ما هرب يظهر على عارو تفاح خدك حلي واحمر يا ستار ابن ادم ورت عن والدو كارو عالتمر ريقو دلق ناطر عا حر النار تالقلب بعد الصوم يفطر على تمارو حساسين صدرك غلو قديش صارو كبار فكي زرار القفص معليش لو طارو الله خلقهم الي يبقوا دوم سمار اغفى عا لحن الهوى واوعى عا مزمارو وتم يمكن حبق مدري وراق الغار وتمي الورد اشتهى من نعومة ظفارو مشتاق يقطف طبق من روض الازهار شو عليه لولا طبق عا تمك وزارو وفستان كيف انسكب عالجسم حتى صار يشتف قلبي الشقي تا يحل زنارو منشان من هالكمر يقطف قمار قمار ويغوص بحر الحلا ويصير بحارو بعدك صبية وانا حبي صبح ختيار ناطر بليلة عمر تلفي على ديارو رح ضل حبك ابد تا يخلص المشوار والجار مهما قسي بيحن عا جارو الا عا خمر الهوى ما بيسكر الخمار مهما عصير العنب زادو من عيارو حبك بقلبي شعل من يوم كنا صغار والحب مهما برد ما بتنطفي نارو نبيل العزير

Name: محمد أبو حمدان  (Thursday, March 15, 2007)
برنامج بسمات وطن
Zajal Lines:  أذيعت هذه الأبيات الزجلية ضمن برنامج بسمات وطن عبر اذاعة ال بي سي ... برنامج بسمات وطن من اعداد شربل خليل ************** يا ريتنا بهالأرض مجموعة حمير نطبق قانون الحمرنه ويوعى الضمير ويشنهقوا جحاش الزغار ويسكتو ونسكت عند ما يشنهق حمار الكبير ونصير هيئة حمرنه ونصدر قرار ما في ولا انسان أحلى من الحمار الحمار ما بيبلف ولا بيلعب قمار ولا انذل ع بواب السفارة والسفير ******** الحمار ما عندو مصاري يشتري شهود للزور,يطلعو المجرم بري ولا مشكلة لون وتميز عنصري ولا عسكري واقف يحارب عسكري وبعثة أمم جايي تشوف المفتري تقدم أسير مكتف وتاخذ أسير ************** الحمار ما عندو اذاعة للحكي تكتر حكي ترجع تحمي المعركه عيوء متواضع على قدو ذكي عكس البشر ضد الكذب واللوفكه ولا واسطه عندو ولا بيعرف وزير ******** الحمار ما بعمرو على خيو اعتدى مرتاح عندو صحاب ما عندو عدا فهمان الله خالقو رسالة هدى سلة تبن أحلى هدية بينهدى ما بيعرف يمسح جوخ ولا ينفض حرير ************** الحمار ما بعمرو بيحمل مبخرة ولا تذكره ولا طايفه عالتذكره ولا دبتو تطالب بحقوق,عفوا يا مرا ولا جحاشو زعران عيونا مفرفره وعيلة غنية حد عيلة معتره بالحمرنه لا في غني ولا في فقير ************** وصدفه ان دارت معركة عض ولبيط وكل الحمير استنفروا ودار الخبيط بيتم حصر المعركه بذات المحيط وبقلوب بيضا مثل زهر الأرنبيط بيتصالحو وبيتم تقرير المصير بكمشة تبن بكمشتين من الشعير ويا ريتنا بهالأرض مجموعة حمير برنامج بسمات وطن 15/03/2007 LBC

Name: مفيد فارس  (Wednesday, February 28, 2007)
Zajal Lines: نحنا بحرفيش الزوار-- منضيفهم نور ونار ويا محمد يا بو حمدان -- انتي عنا رب الدار

Name: Hassan  Kherallden  (Monday, February 26, 2007)			Email
حرفيش الجليل الاعلى	فلسطين		حرفيش
Zajal Lines:  نحنا عليكن ملهوفين وعم نهديكن كلمتنا ومهما تكونوا مغتربين مش اصعب من غربتنا

Name: akab  bahmad  (Friday, February 16, 2007)			Email
dahr el ahmar rachaya ======= lebanon
08591550
Zajal Lines:  ان قالو الارزي المنصاني انصبغت با الدم القاني من ظهر الاحمر مصبوغ شعار الارز اللبناني بعام التسعه وستين بنادي النهضه مجتمعين عملنا حفلي للشعار الاول يتحدي الثاني عميد الجوقه الزغلول والبستاني مش معقول وطليع تكلل تاجو بعبق العطر الحمداني وبو علي يقد مراجل وصل صوتو لحراجل ها الباقه بعثتا ذكري وعربون محبه وبذار من عندك لبستاني

Name: محمد  أبو حمدان   (Thursday, February 15, 2007)
	كندا		تورنتو
Zajal Lines:  لبنان راجع الك من دنية الهجران الفيها علينا البعد خيم بكابوسو راجع تا بوس العلم والأرز والأغصان لما بساعة رضا تراب الوطن دوسو راجع عا بيتي الوفي ارسم على الحيطان صورة الماضي الحلو وبلهفتي بوسو ومنديل أمي معو خلي القلب علقان مطرح ما خصلة شعر علق بدبوسو راجع وراجع حسن يلعب مع الصبيان وآخذ اللعبة معو اللي اسمها سوسو ** راجع تا علم حسن بمدارس العرفان مطرح ما بيو ربي وتعلم دروسو راجع لأنو الزمن قلي يا بو حمدان الإنسان لولا درس للعلم قاموسو الدهر البيعلم حكم,مفضل علينا كان أكثر من الحرف الربي عا إيد قدموسو وإنو فلوس الدني أكفر من الشيطان وهيي البيبيع المرء من أجلها نفوسو لكن نفوس الكريمة فقط بتقييم الإنسان وعيب البيفكر قيمة الإنسان بفلوسو **سوسو:لعبة صبي صغير يصطحبها معه ابني حسن( أربع سنوات ) أينما ذهب,حتى عندما ذهب الى لبنان أخذها معه.

Name: محمد أبو حمدان  (Tuesday, January 02, 2007)			Email
	كندا		تورنتو
Zajal Lines:  وقت اللي أعياد السما طلو الميلاد والأضحى الإلو صلو وراس السنه المعجوق بالألوان من لهفتي دموع الفرح هلو وقلت يا الله,على لبنان عيد هالأعياد تا يضلو متل ما طلو سوا إخوان لبنان يبقى وكلنا بظلو وبين التشاؤم والأمل,منشان الناس مطرح للهنا يخلو بيكذبوا البينجمو..وأحيان عندن شوية صدق بمحلو ومطرح ميشال الحايك اللي كان سيف التشاؤم عالدني يسلو بإغتيالات ودم للأعيان الأكبر مكانه بشعبنا احتلو بدعي أنا محمد أبو حمدان كون الربيع وزنبقو وفلو وغير الصورة,وبدل العنوان وغير النظرة الشافها الحايك بالحب كلو وبالفرح كلو محمد أبو حمدان تونتو _ كندا ميلاد مجيد وأضحى مبارك وكل عام والجميع بخير

Name: rawad samir  sharaf al dine  (Saturday, December 23, 2006)			Email
simkanie al shoof
03673575	05506960
Zajal Lines:  للمحبوب بطول وعرض الأرض بتبرم حتى تذوب ولما توقف برم الأرض بوقف حبك يا محبوب رواد سمير شرف الدين السمقانية - الشوف لبنان

Name: مفيد فارس  (Friday, December 08, 2006)			Email
حرفيش /فلسطين
Zajal Lines: يا محمد كلك ذوق تسلم يا بو حمدان ان شالله ربي من فوق يحميك ويحمي لبنان

Name: محمد  أبو حمدان   (Thursday, December 07, 2006)			Email
	كندا		تورنتو
Zajal Lines:  تحية للأخ مفيد فارس - حرفيش فلسطين يا ابن حرفيش لو كنت عنك بعيد شميت فيك الذوق والصيت الحميد انشالله تضلك فارس بمطلق مجال وتبقى مفيد الشعر منك يستفيد محمد أبو حمدان

Name: محمد أبو حمدان  (Thursday, December 07, 2006)
	كندا		تورنتو
Zajal Lines:  تحية للأخ مفيد فارس - حرفيش فلسطين حرفيش الملياني رجال ومنبع للشعر وشلال بحييها بإسمي ما زال في شاعر متلك فيها محمد أبو حمدان

Name: مفيد  فارس  (Sunday, December 03, 2006)
			حرفيش
Zajal Lines: محمد بو حمدان شاعر لبناني وكبير وتيطربنا بالالحان دقينالو عا بكير نحناال عمرنا لبنان مسرح شعري بالتفكير من حرفيش ومن سبلان احلا هديي منهديها

Name: مفيد فارس  (Thursday, November 30, 2006)			Email
حرفيش
Zajal Lines: مشهد دمار بقلب بيروت والحاره وجثث متراكمه وأشلاء يا خساره وطفل بعدو بعمر الورد مقتول بيتو نْقصف بصواريخ طياره وطفلي وحيدي تْصّرخ تقول وَيّنِك يا أمي ويا ستي الأختياره بيّي حبيبي مُقّعد ومشلول وغاره بتنتهي تا تعود غاره بالعطر حوض الدار كان مجبول صار اليوم حيطان منهاره وكان الورد بالندي مبلول وصوت العصافير انغام قيثاره نوعى عَ صوت عم بو مخول ينادي عَ أمي وينده الجاره معانا خَوخْ حلو كثير معنا فول وبندوره شوفوا ما أشلب زرارا صار القصف ينزل علينا سيول وحمم من نار تحرقنا بشرارا يا شعبنا بيكفي صمت مش معقول نحنا عرب اسلام ونصارى مين المجرم مين يل مسؤول وليش الدول ما بتعمل زياره اكتفوا العرب بالرد الخجول وقالو بيكفي يا اسرائيل أطلعي يا عيب الشوم شو هالعزاره

Name: مفيد فارس  (Thursday, November 30, 2006)			Email
فلسطين/حرفيش
Zajal Lines: مشتل أزهار ومفلوش فييو الشعر اللبناني بعطر محبينو مرشوش مجد الشعر الحمداني

Name: محمد أبو حمدان  (Monday, November 27, 2006)			Email
	كندا		تورنتو
Zajal Lines:  يا ليل يا ناقل صور عنا اتعب على البرواز وتأنا منشان هالصورة الجميلة تضل فينا مثل لبنان موطنا لبنان كتفو للنجوم مطل طل القمر منو ولنا غنا لبنان تا يعود الدني يحتل بتاريخ فينا اعتز واتكنا خلو السياسة شوي عنو تحل زرع السياسيين ما جنا ويا ريت تا يجمع وطنا الكل بيحكم بلادي شاعر معنى يا موطني اعذرني اذا عم سل سيف النقد عا واقع اتجنا نحنا بغربة عليك عم بتدل وإلا ربوعك ما منتمنا ليك رحنا فيك حتى نضل وتعتز فينا وفيك نتهنا منك غصيبة دشرونا نفل وما ضل غير نعمل إلك فيزة وندعيك نحنا تا تجي لعنا محمد أبو حمدان

Name: ماجد أبو خزام  (Wednesday, September 20, 2006)
	لبنان		الشوف
Zajal Lines: تحية الى الشهيد جبران تويني رحمه الله ورحم كل شهداء الوطن الذين سقطوا دفاعا عن لبنان العظيم ضاع الامل وتشردوا الكلمات والنور عانق وحشة الظلمة وصارت الكلمة تامر الغيمات تشتي الم عالحرف والكلمة غاب الي كان ياجج الساحات بتفكير واعي بمنطق السلمي الحلم انكسر وتنكسوا الرايات وغاب الشهيد المؤمن بلبنان موطن لشعب مثقف وعلمي غاب الشهيدوبكيت الازهار وغص القلم ورتاح عا الدفتر بكيت شموع بكل حي ودار وصفى الوطن قلقان ومغير ما ابشع الكب الورد بالنار وخلا قلوب الناس تتحصر مش حق النا باخر المشوار الضحى حياتو من اجل لبنان بابشع وسيلة عنف يتفجر اغتالوك يا سيد القلم والعلم اغتالو وطن للحب صورتو اغتالو الامل بقلوبنا والحلم اغتالو شعب للسلم حضرتو اسمك اغتالو بالحرب والسلم ووطن من الطغيان حررتو وانت الي كنت ترد عنا الظلم انشالله الي نفذ هل عمل يا رب بنار الجحيم تكون اخرتو

Name: najib el-baradie  (Saturday, August 26, 2006)			HomePage
villa nova -9avenida n 389	Goiania goias		brazil
062 2618221
Hobbies/Interests: لو غاب طيفي من شبابي عالمشيب ودمع الحنين ميبس الجفن الرطيب ومهما بعدني الدهر عنك يا وطن بتظل يا لبنان عايش مع نجيب

Name: محمد  أبو حمدان  (Wednesday, July 05, 2006)
Zajal Lines:  في 15 كانون الثاني 2005 حفلة زجلية في مطعم الصحارى تورنتو-كندا, وأثناء تقديم الشاعر نجيب البجاني(صاحب مجلة مواهب الأدبية) للشعراء محمود أبو اساعيل و الياس داغر...فاجأني البجاني بقصيدة وقدم لي وسام مجلة مواهب للأدب والشعر وقال يا بو حمدان صحبتنا السعيدي من عقدين, وبتبقى وطيدي يرحم والدك موجود فيها كتب "بمواهبي" وقوى رصيدي انت في كل حفلة بتنتقيها بتطلع ناجحة وحلوة ومفيدي لأنو بتدمج اخلاق النزيهة بالإبداع وقوال الفريدي صارت موهبه, والله عطيها عكست عز عا خصال الحميدي وعطيت منبرك قوة وجيها وصرت بموقفك هني الجوالي لأنو تعززت فيك القصيدي الشاعر نجيب البجاني ********* فأجبته قائلا بعد ان تسلمت الوسام ممنونك يا بجاني عا مبداك الإنساني عا صدري وسامك محسوب وسام الأرز اللبناني محمد أبو حمدان

Name: عمـّار  البراضعي  (Friday, June 30, 2006)			Email
	لبنــــــان
Zajal Lines:  لبنان متل الطفل بعهد النبي داوود وسليمـان كرمال طفل بيعلقوا النسوان ثنتين عملوا للطفل إمــو وراحوا بعدلو ينصبوا الميزان وكل حرمة هالصبي تشمو وتصيح يابني وتظّهر التحنان قال النبي تانقسمو. ولـمو كل وحدة قسم كيف ماكان المزيفة قالت شو بيهمــو وموافقة . وقلبا ابتدى صوان المهم آخذ قسم من كمـو ومنوعدك مافي حدا زعـلان بتقوم إمو بتركض تضمـو وتقول مين الإم لو مـابـان مابريد إبني ينهرق دمــو ويعيش من دون إم لو عريان عرف النبي وتبسّم بتـمو و ردّ الطفل للإم عن إيـمان ولبنان متل الطفل بي همّو كل الدول إمو وحصص بتريد ونحنا مابنّا يقسّموا لبنان

Name: najib sajim  (Tuesday, June 06, 2006)
Hobbies/Interests: الى الشاعر والاخ محمد ابو حمدان مع حالص محبتي محمد يا بوحمدان يا حساس يا نبع صافي فرفح اليباس لبنان لو بتغيب عنو عمر بتظل متل الارز عالي الراس بعرسك الغالي مع رماح السمر ترغل بو شادي منبع الاحساس ويا ريت لو الله اخذني غمر عاصدرك المليان ورد وآس واسكب بعرسك خمر متل الجمر يوعى على وهجو ابو النواس وما زال شعرك اطيب من الخمر رح ظلني اكرع من خوابيك تا كاس عمري يصب اخر كاس على امل اللقاء القريب في ربوع الوطن الحبيب لبنان

Name: ابو اسعد نجيب سجيم  (Tuesday, June 06, 2006)
Hobbies/Interests: يا بو محمد بعرفك شاعر عتيق وكل شي عنيد بكلمتك قلبك رقيق وحبك امانة بعنق منبرنا العريق فيها المحبة والثقة جانح طليق وجوقة بيادرنا وغلالو يا صديق بتظل فينا متل كرم على طريق من شعرنا بتنده عاجفن الفجر فيق وعاطي صفا نياتنا الجوهر بريق وحتى المنابر تعتلي لمركز يليق وتكسر عطش وتبل للازهار ريق البيدر جمع اربع سنابل من ذهب هني نجيب ووائل وزعبي وتوفيق كيفني معك يا وائل لعيونك الف قبلة لروحك الشاعرية ولمحبتك اخوك نجيب سجيم

Name: وائل ايوب  (Tuesday, June 06, 2006)
Zajal Lines:  يللي بعنقك هالامانه معلقه وردات شعرك كل رده معلقه في رقبتك علق امانه من الثقه حيث الذهب سبب المشاكل والشقا وما في غنى مثل الاخوه الصادقه بتطفي نيران الخلاف المحرقه ولما النوايا تكون في طهر النقا بترجع بيادرنا تطعمي المنطقه والبيدر ال عنو ولادو تفرقو يرتاح قلبو بلولاد وباللقا شو قولك يا ابو اسعد ؟ مع خالص المحبه

Name: نجيب  سجيم  (Tuesday, June 06, 2006)
Zajal Lines:  بعرف بوشادي المنصان بخفقة قلبي وشرياني حمداني وشعرو بوجدان مجد الشعر اللبناني وبحياة الارز ولبنان وعطر الشعر اللبناني بشعرو محمد بوحمدان بيطلع حمدان التاني مع اطيب تحياتي لك ولهذا الموقع الاصيل املا ان تراسلني بردة منك للتعارف اخوك ابو اسعد نجيب سجيم

Name: عمار البراضعي  (Tuesday, June 06, 2006)
	لبنان		البقاع
Zajal Lines:  خلقنا الرب سبحانــــــو منازل رجال وبالزجل نبقى ننـــازل حتى الشعر مايضل بسكوتــــو وبسكـــــبو للنسا نبقى نغازل وصاروا فكارنا شروقي يفوتوا وقصيد وقردحة طالع ونازل موشح ميجنا نوجدن كبوتــــــو تحدي وفخر ومجزم وعازل وبعد ما الشعر هنينا ثبوتـــــــو وبدّلنا النجيع الكان بــــــازل لقينا الموطن انهدمت بيوتــــــو صرخنا بيوتنا ياريت كانت بيوت حجار تانعمر منازل ********* عمار البراضعي

Name: نجيب  سجيم  (Thursday, June 01, 2006)
Zajal Lines:  يا وائل المحبوب يا عالي الرتب شعرك متل ارزة اصيلي بينحسب وخيك نجيب ال عالشعر جرحو انسكب بعدو غيور وكاس عزو بينشرب وعامنبري الاسمك على صرحو نكتب بغنيك وبحييك يا بي الادب وبعدو الزجل فيي وبروحي ما نضب ومعلق بعنقي امانة من ذهب وباني المجد للشعر ما بيبني قبور بيبني عتاب محبتو قد العتب

Name: وائل  ايوب  (Wednesday, May 31, 2006)
Zajal Lines:  يا ابو اسعد كنت ع المنبر غيور شو صارحتى ما عدت تجبر كسور الردات خليها مثل موجات نور تغمر صخور الجبل تتفرخ زهور ع وراقها حبوب الندى تكتب سطور ونسمه صباح الخير تتبلل عطور وانت وانا وتوفيق والزعبي الجسور نزرع المنبر فن تا م يظل بور كنا على خط السبق اسرع مهور وتمحى الحزن كلماتنا وتزرع سرور ومنبر بيادرنا بنى للفكر دور ولما انطلت بالموهبه صارت قصور وغير هيك بموت الزجل ف بلادنا ولا سمح الله للزجل نحفر قبور مع خالص المحبه

Name: ابو اسعد  نجيب سجيم   (Wednesday, May 31, 2006)
Zajal Lines:  ردا على الصديق الغالي وائل ايوب فوتي عا قلبي واقعدي وائل كريمة جيبتك شاب الليل عاشيبتك لا تغيب عني بهيبتك نغبت النسيم بغيبتك عالزهر ما بشوفو غدي يا حبيب العمر يا وائل انا مشتقلك كتير يا شاعر يا اصيل

Name: وائل  ايوب  (Wednesday, May 31, 2006)
	الفريديس
Zajal Lines:  فوتي ع قلبي واقعدي تاتسعديني وتسعدي لو نامت عيون البشر بسهر ت انطر موعدي لو نامت عيون البشر بنطر على الموعد شهر بلكي على بالك خطر عهد الطفوله تجددي بتتذكري خبز الطابون ونسرح على قطف الزيتون واذا التقو صدفه العيون اتنهد وتتنهدي حبك دخل قلبي بعجل روحي اسالي صخور الجبل روحي اسالي طيورالحجل تا تعرفي وتتاكدي يللي بعمر السوسنه حبك نقي طاهر سني قبال النجم لا تنحني فوق الكواكب اصعدي

Name: نجيب  سجيم  (Wednesday, May 31, 2006)
Zajal Lines:  حاجي يا مركب هالعمر فيي مسافر على امواج مطوية ويا بحر لا تتمرجل ولا تغار مياتك من دموع عينيي وحاجي يا غربة معذبي الشعار والشاعر اللي ذاب حنيي بالو بيظلو بالاهل والدار وب ام قالت رجعوا بنيي عايش عا دعوتها ليل ونهار وكلما على موقع زجلنا بفوت ببوس الحبر العا اسم خيي

Name: abu assad  najib  (Wednesday, May 31, 2006)
Zajal Lines:  يوم ال خلق هالكائنات الرب كون معو خفقة حناجرنا وجاب الزجل شاعر شعور وحب تا تحس بالشاعر مشاعرنا وكلما قلامو تعطش وتنصب بتكسر عطشها من محابرنا وتا صار حب الشعر انقى حب تغربل فوق خشبة منابرنا

Name: عمار  البراضعي  (Tuesday, May 30, 2006)
	لبنان	البقاع	ضهر الأحمر
Zajal Lines:  بلدتي ياضيعتنا وراق الحب فتي لأنك في حنايا الروح فتي ان برمت الكون مابلاقي سواكي بقعة من السما ع الارض بتي فيكي خلقت جنني حلاكي صيف ان كان طقسك أو مشتّي وأعلى من الجنة مستواكي بتراب الحضن جدي وستي الناس بيحسدوكي ع هواكي عليلك كل ما مروجك يأتّي بدفاعك يطلبوا نعمة رضاكي حضنتي الأبن بحروبك مامتي وبكل المنطقة تعادوا بلاكي وعلى شفاف البشر صاروا مهتي وبقوا سكانك العاشوا بحماكي مهما تفرقوا عنهن بيقولوا سوا بيتجمعوا ع كاس متي عمار البراضعي

Name: عمار البراضعي  (Tuesday, May 30, 2006)
	لبنان		البقاع
Zajal Lines:  يالــــــــبنان يامهد الكرامـــــــــــة الك بالشــــــعر فائق احترامــــي والك مني ومن اعماق فنـــــــــــي تحية صادقة بشعري وكلامــــي ماغلط اللي حكي وعنك مغنــــــي وديع بصوت صافي وخير خامة بقطعة من السما ع الارض جــنة فيها شبهك نال. العلامــــــــــــة وانا شو بشبهك بالشعر منــــــــي وبعد ماعرفت فيك الابتسامــــــة بوقت اللي خلقت من زغر سـنـي وبسمع فيك داير حرب دامــــــي ورغم نار الاسى فيك المسنـــــي ورزق الادمي ونهــب الحرامــي شعبك قسمو شيعي وسنـــــــــــي أو درزي ومسيحي بالأسامــــــي عرفنا القسمونا مين هنــــــــــــي وهدف تقسيمنا ليوم القيامــــــــي حسب رأيي وحسب مفهوم ظني الكراسي تحافظ عليها الزعامـــة وانا المحايد ومعروف عنــــــــي سالك ع دروب الاستقامـــــــــــة لامتعصب ولا بنرفز لأنـــــــــي سِوى لبنان مابتمضي قلامــــــي ولا اخبارنا الفيها تجنــــــــــــي بتجذبني بخطاب الإنتقامــــــــــي ولها الأسباب في عندي تمنـــي الشعب يتوحد بلبنان واحـــــــــــد لأنو التفرقة ضد السلامة عمار البراضعي

Name: عمار البراضعي  (Tuesday, May 30, 2006)			Email
	لبنان		البقاع
Zajal Lines:  مسا الشعار يارفاق البدايــــة مسا الاخلاق الكبيرة بمسايــي مسا الله ومسا المجد بوطنـــى ويسعد هالمسا البلخير جايـــي ويااهلا بشاعر الشرّف لعنــا يعطي وياخذ من الشعر آيــــة شوبدو يطلب بهالليل منــــــا الغالي بيرخص لأجلو بعطايي وقبل ماإسمعو الردات غنّـــى وقبل مابادلو بذات الحكايــــي كلما بيلتقوا رجال المعنـــــى البيوت بتعمر بأجمل قوافـــي البدر بيكتمل نورو بسمايي

Name: عمار  البراضعي  (Tuesday, May 30, 2006)
	لبنان		البقاع
03 756512
Zajal Lines:  حتى الزجل ما يفضل مقوقع ومنشور يبقى بكافة البلدان ما عدت خاف نهار تا يوقع ما زال طور منبرو الفنان من منبري المش عسكري بموقع شفت المتل محمد أبو حمدان وبدال ما هنيه عالموقع هنيت فيه الشعر والأوطان عمار البراضعي

Name: وائل  ايوب  (Monday, May 29, 2006)
	الفريديس	حيفا
Zajal Lines:  رح ظل اترجى حلا عيونك رجا تاشوف ليل الشعر يا سمرا سجا وشيل اخر حرف منك يا نجاح تيقولو وائل من سهم عينك نجا ******* خصاصيل شعر على الكتاف استرسلو سودا بلون عيون سود تكحلو وشفت الحلق في ذانها من لهفتو بمد ايدو عالكتف تايوصلو

Name: وائل ايوب  (Saturday, May 20, 2006)
Hobbies/Interests:  ختير الصيف ومضى وعنا اجا ايلول حامل رياح الشراقي وشمس ذبلاني تذكرت سمرا جميلة لابسي مريول من ثقل شنتة كتبها كثير تعباني والريح شرقي بداعب شعرها المحلول الما كان يهدا ولا مرتاح خلاني وبالعطر لون الخدود وبالزهر مجبول مش مثل كل البشر من طين خلقاني قالت ما بدي كلام الناس عنا يطول بتعرف ابوي صعب وكثير شراني وحاجي تخدر عصابي بحكيك المعسول حبي الك عن مطاوعتك بينهابي وائل ايوب

Name: wael ayoub  (Thursday, May 11, 2006)
Zajal Lines: قال الغصن للطير طالت غيبتك انشااللة حملتلي هدية بجيبتك قلو انا جايب على بلادك ربيع يصبغ بالوانو الجميلة شيبتك قال الغصن كرمال عين الزنبقة خليك معنا تهجرش هالمنطقة قلو انا هارب من جيوش الظلام وعالوعد برجع مع الشمس المشرقة وائل ايوب

Name: محمد أبو حمدان  (Monday, April 17, 2006)			Email
	كندا		تورنتو
Zajal Lines:  ألقيت هذه الأبيات الشعرية أثناء حفلة زجلية في مدينة تورنتو كندا للشعراء الياس داغر و داني صفير, بتاريخ الأحد 16 ،نيسان 2006 , وكانت الحفلة يوم عيد الفصح المجيد تبسم يا ليل وذوب غنية أكثر ما ذاب الشمع حنية الليلة بتورنتو الشعر عامل عيد وأحلى ليالي الشعر هي هيي وعيد الفصح هالعيد بالتأكيد عيد من روح الألوهية عيد الفدا عيد الإلو التمجيد عيد الخلاص من العبودية وهيدا أنا ولولا بجسمي بعيد عن بلادي الغالية عليي بين الأمل والشوق والتنهيد عا طول بدعي بكل حرية يا رب هالعيد وجمالو عيد علينا وإجمع شملنا سوية تا نظل نتلاقى بملقى جديد إسلام ودروز ومسيحية وكيف كل كرم وإلو عناقيد وكل غصن وفي إلو فيي وكيف كل ذكرى ولها مواعيد وكل عيد وفي إلو هديه ودالنا ألله بأطهر إيد عيد الفصح نعمة سماوية وتالعيد يكمل والسعادة تزيد من زهور الشعر باقة زهر ودالنا لبنان عيدية *********************** وغفيت مرة العين من ظلمي بمشوار بين النور والظلمه وحلمت حالي بين أطيب ناس وبهيك ملقى فسرت حلمي وبين الشعر والصدق والإحساس وثورة الكلمه ونهجها السلمي شفنا بداني العبقري والياس مار الياس الموهبي والفكر وبطرك صفير الشعر والكلمه *********************** ولما إجو الشعار خايلنا جايي جناح الأرز يحملنا عا بلادنا عا ضياعنا الحلوين اللي عليهن المشوار طولنا نحنا لخبز الروح جوعانين ومن كثر فرحتنا سوى قلنا إلكن يا داني صفير مشتاقين تفضل على المنبر انت والياس إلكن المنبر والسمع إلنا محمد أبو حمدان

Name: محمد حسن شريم  (Saturday, March 11, 2006)
	مدريد
Zajal Lines: ************************* ما عاد أعصابـي بعـد يلقـو = قلبيّنـا فـي بعضهـن علقـو وما عاد همي غير حبك بـس = والنـاس أخـر هـم يشتلقـو ************* يلي بهواكي فايض الإحسـاس = يا إم شفه من الحـلا بتنبـاس الناس ؟ شو بدي بحكي هالناس = بيناتهـن فـي بعـض ينفلقـو ************* قبلك محمد بالهـوى مـا كـان = شافك وحبّك تانسـي النسيـان مثـل وردهِ وشمهـا إنـسـان = وعابعضهن عُطريـن وأندلقـو ************* من وين عابُعدك صبرمن ويـن = بجيبو يا أغلى من رموش العين ألله خلق زينـات لكـن زيـن = حُبي ... اللي مثلو بعد ما خلقو ************* وشعري أنا اللي حارس عليكي = ما كتبـت إلا بوحـي عينيكـي وكل ال كتبتو بالشعـر ليكـي = العشاق صارو لبعضهن يلقـو ************** وما زال قلبي بنار شوقـو داب = بيوصل إلك في لهفة الأحبـاب بفتح على ظروفي بواب بـوا ب = مهما بوجهـي بـواب ينغلقـو ********************

Name: محمد  أبو حمدان  (Sunday, September 25, 2005)			Email
	كندا		تورنتو
Zajal Lines:  مدمن شعر عا قد ما مصفي صار الشعر كاس وأنا الشفة بشفة صرت اسكر عا تم الكاس وذوب وأنا والكاس عم قفي ومع كل تقديري لكل الناس عالكل عندي روح مشتفي بس اللي شعرن طيب الأنفاس وحولن قوافي النور ملتفي بنوت مثل شريم بالإحساس بحمل الن قلبي على كفي الكلمة بقصيدن خدها بينباس ونور الحلى من حروفها بيطل وبيفوح منها ريحة العفة مع تقديري للشعراء حسن بنوت ومحمد شريم محمد أبو حمدان

Name: Hassan Bannout  (Friday, September 23, 2005)
Zajal Lines:  كاس الاٍلهام المسكوب بشرب منو تا أسكر وبكتبلك أجمل مكتوب مكتوب بقطر وسكر وكاس الخمره والمشروب شربتو وراسي ما سكر شربتو لعيون المحبوب وكل شفه قلت محبه

Name: محمد حسن شريم  (Saturday, September 17, 2005)
	مدريد
Zajal Lines:  *************************** عيونك يا محمد أنوار _____ إلنا وإلكم ألله يصون شهم ورافع سقف الدار ____ دار الشوف الما بيهون ويا بنّوت كليل الغار _____ لابس بالشعر الموزون عازمنا تلاته شعار _____ عاسهره باطنها فنون وتاتكمل لازم يا كبار ____ رابعنا الإلهام يكون وكلما كاسات الأفكار ____ فضيت نندهلو يعبي *********

Name: محمد  أبو حمدان  (Monday, September 12, 2005)			Email
	كندا		تورنتو
Zajal Lines:  يا رفاقي البتحبوني --- إخوة منبقى شو ما صار فيكم ما خابو ظنوني ----- وأشواقي الكم قنطار لو عالسهرة عزمتوني -------- للصبح بغني أشعار طلبوني بتلاقوني ------ متأهب عا خط النار حبابي لو طلبو عيوني -------- مطلب أحبابي بلبي

Name: Hassan Bannout  (Saturday, September 10, 2005)
Zajal Lines:  يـا بـوحـمدان الحسـاس الـلـه يـديمك ويـخليك فـضلك عـالعين وعالراس والشـعر بـيتباهى فيك حـبي الـكن مـا بينقاس وتـا لاقي شـريم ولاقـيك عـازمكن عندي عـا كاس ومـازه وتـبوله وكـبه

Name: محمد حسن شريم  (Wednesday, September 07, 2005)
	مدريد
Zajal Lines:  ******************************** يا حمداني صبّرك عير _____ للخي القربو تمنّيت غربتنا علينا تعتير _____ يا ريت منرجع يا ريت والمتنبي بالتفسير _____ فيها عندي شو ترقيت متنبي بتنبّى كتير _____ لكن اوّل ما تنبّيت إنو عندك قلب كبير _____ جواتو شريم مخبّي *************** إذا بوحسن مشتقلنا وقيه نحنا شوقنارطل .... محمد حسن شريم تحياتي للجميع

Name: محمد أبو حمدان  (Tuesday, September 06, 2005)			Email
	كندا		تورنتو
Zajal Lines:  ستبقى عائلة الزجل على هذا الواب السايت متماسكة يدا بيد ... فأهلاً وسهلا بالشاعر الصديق محمد شريم طولت الغيبة ,عتبانين عليك كتير, لأن المثل بيقول العتب على قد المحبة...!عاش الزجل شريم وبنوت وحمدان ____ عراوي وزرار وقبي ثلاثة زجاله بلبنان ____ ما غنّو إلا محبي ===================================== بنوت وأبو حمدان ---- وشريم المن عيلتنا ثلاثة بالغربة اخوان --- الكلمة الحلوة لغتنا رح نبقى بنظم القصدان --- نرفع راية أرزتنا وبنوت عنتر بالميدان --- وابن شريم المتنبي

Name: Hassan Bannout  (Sunday, September 04, 2005)
Zajal Lines: يا زنبق حاكي المنتور وغني وارقص يا ريحان راح العتم وطل النور ولونّا الكلمه الوان نحنا خلقنا تلات بدور ويابن شريم وبو حمدان عالفرقه ببقى مقهور وعالملقى بشكر ربي

Name: محمد حسن شريم  (Sunday, September 04, 2005)
			مدريد
Zajal Lines:  ************* شريم وبنوت وحمدان ____ عراوي وزرار وقبي ثلاثة زجاله بلبنان ____ ما غنّو إلا محبي ************** بيقسى العالم والشّعار ____ قلبهن للين مآتي بالعتمه ضلو أنوار ____ من نور الخالق آتي ومهما فينا حل وصار ____ منبقى شعار تلاتي بعقد العم يلمع أشعار ____ حبه بتهدي حبه ************ محمد حسن شريم

Name: محمد حسن شريم  (Saturday, September 03, 2005)
			مدريد
Zajal Lines:  يا وب يلّي ما زلت بهواك ____ والشغل عنك ما بيشغلني كيف وإنت علقتني بشباك ____ حبك وفيه قدرت تأسرني فيك نأسرت وصرت عالشباك ____ انطر أنا وعالسهر تنطرني وفيي عندما تنسحر ليلاك _____ يعود ليلك فيك يسحرني تاصرت ما اسهر أنا لولاك ____ ولا الشوق دونك حس يحرقني تاعرفت حالي متيم وبهواك ____ راجع يا حُبي الأول نطرني ومهما غبت وبعدت ما بنساك ____ هل يا ترى بعدك بتذكرني محمد حسن شريم مع أجمل التحيات لإخي ابو حسن محمد ابو حمدان

Name: محمد أبو حمدان  (Friday, August 26, 2005)			Email
	كندا		تورنتو
Zajal Lines:  كيف القلب للجسم بيصونو ومن دون قلب بتذبل غصونو هيك الزجل فينا قلب خلقان ونحنا ما فينا نعيش من دونو وكيف الرسل والأنبيا عنوان للخير للدين ولمضمونو الشعار هني صرخة الوجدان بيبقو ضماني للزجل والشعر وصوت الحقيقة وين ما يكونو محمد أبو حمدان

Name: Hassan Bannout  (Thursday, July 14, 2005)
Zajal Lines:  ما في حدا بالبيت يا مغروم مشي معي نغني سوا غرامي مطرح ما كان الليل كلو نجوم ملغشن طفل شوقي وأحلامي مرج الهوى من دون ندي محموم مشتاق حتى تفتح كمامي مع كل تنهيده شقا وهموم مزروع شتلة فل وخزامي معقول نرجع للمضى وتدوم مع حبيب القلب أيامي معقول اٍقشع قدها المهضوم معقول تخلص هيك دوامي مسجون في غربة دني ومظلوم مفارق حبيب والقلب ظامي موتي اٍلي أفضل ما عيش محروم ممكن الموت يريح عضامي

Name: Mohammed محمد Schriem شريم  (Tuesday, June 28, 2005)
Zajal Lines:  يلي صورتي بعدها ببالك _____ أنا بالحب حالي متل حالك أنا بالحب يا بنّوت أرقى ____ من عشاق مرو في خيالك أنا بسعد أنا بالحب بشقى ____ أنا بهرب تاإبقى في مجالك أنا من عين أنقى عين أنقى ____ الفيها قشعت في داخل جمالك وإذا الصوره ببالك عم بتبقى ____ أنا كرمال عينك ما بقصّر ............. أنا شخصي أنا بحضر قبالك

Name: Hassan Bannout  (Tuesday, June 21, 2005)
Zajal Lines: حلوه كتير خيي محمد يسلم هالتم

Name: محمد  أبو حمدان  (Tuesday, June 21, 2005)			Email
	كندا		تورنتو
Zajal Lines:  مهما يجن الهجر ويليِن عنادي ما بخاف إنسا الأهل أو أرض أجدادي لكن بخاف القدر فجأة عا بيتي يفوت وموت بعذابي وأنا غايب عن بلادي ومهما بأرض الغرب نجمع ذهب وبيوت بدهن يضلو عند ما ربنا ينادي وعالجوع لولا جمع خبز الطبيعة قوت الإنسان فوق الشبع ما بياكل زيادة يا لله تا نرجع سوى عن قرب يا بنوت نسكن بأرض المحبة وجوها الهادي وبعد الحياة الحكي ما زال عندو سكوت والموت سر الحياة وحق وشهادة إنشالله عا دين الوفا وعا حب الله نموت ونروح معنا من الإيمان زوادي

Name: Hassan Bannout  (Monday, June 20, 2005)
Zajal Lines:  والشباب الاًشبهيه من غريفه ومروانيه تزور حومين الاًصالي تشوف شاعرها الخيالي محمد شريم المثالي غاب عن عيني حبيبي وصورتو بعدا ببالي

Name: محمد أبو حمدان  (Saturday, June 18, 2005)			Email
	كندا		تورنتو
Zajal Lines:  بدي عيش العمر كلو تحت فيات الدوالي رح منرجع عا بلادي الصوتها النا بينادي وبين قمة وبين وادي بريد شوف النور بادي الهجر ذوبلي فؤادي وضيق عليي مجالي

Name: Hassan Bannout  (Friday, June 17, 2005)
Zajal Lines:  بدي عيش العمر كلو تحت فيات الدوالي بلادنا بلاد المحبه ردنا عليها يا ربي وكل أم على ولدها تفرح برجعة كبدها بلادنا الله وجدها وحبها علينا رسالي

Name: محمد أبو حمدان  (Monday, June 13, 2005)			Email
	كندا		تورنتو
Zajal Lines:  بدي عيش العمر كلو تحت فيات الدوالي ما ببدل الأرض اللي عنا بغربة الفيها سكنا والتراب الفي وطنا مثل حبات اللآلي

Name: Hassan Bannout  (Friday, June 10, 2005)
Zajal Lines:  بدي عيش العمر كلو تحت فيات الدوالي بدي النجوم البسما تفهم عليي بالوما لبنان هالاًخضر حلو بكل الدني ما ببدلو أرضو اٍلي وروحي اٍلو وفوق السما جبينو عالي

Name: محمد أبو حمدان  (Wednesday, June 08, 2005)			Email
	كندا		تورنتو
Zajal Lines:  إرجع عالضيعة الوجيهة وذوب بالروح النزيهة وعمر السهرات فيها بالقصيد الإرتجالي

Name: Hassan Bannout  (Wednesday, June 08, 2005)
Zajal Lines:  بدي عيش العمر كلو تحت فيات الدوالي انكتبت الفرقه علينا بنارها الحمرا انكوينا وبعد هالغيبه الطويلي رح منرجع يا زميلي وفارس المهرة الاًصيلي ما اختشا جور الليالي

Name: محمد  أبو حمدان  (Wednesday, June 08, 2005)			Email
	كندا		تورنتو
Zajal Lines:  عالوطن باعث رسالي قول شو طالع عا بالي بدي عيش العمر كلو تحت فيات الدوالي بدي عيش العمر كلو تحت فيات الدوالي بدي عيش العمر كلو موطني الغالي بظلو ولو سألني شخص قلو اشتقت عا شوف الأهالي أتمنى مشاركة الجميع في هذا النوع من الزجل الذي يسمى الندب ويغنى في المناسبات الحزينة وما أحزن من الغربة .... ولكن قريباً سأعود إلى الوطن من دون رجعة الى بلاد الإغتراب ويسواني و بقية العالم العايشة على أرض الوطن وشكراً محمد أبو حمدان أبو حسن

Name: محمد  أبو حمدان  (Tuesday, June 07, 2005)			Email
	كندا		تورنتو
Zajal Lines:  من تسعتعشر عام وزيادي تارك بلادي وجوها الهادي وعايش بغربة الفرق فيها كبير بين أرضها وبين أرض أجدادي تخايلت بالغربة السعادة سرير عا مخدتو بتخفى زهر نادي والناس فيها بالسما عصافير والحب لحن البلبل الشادي تاري يا حسرة الفرق بالتغيير فرق الجبل ذاتو عن الوادي فيها التطور والوعي تأخير ولا في حياة ولا فرح بادي وين ضيعتنا والمشاوير وناس العلى المعروف معتادي ووين البيوت بأصدق التعبير المفروش فيها الجود سجادي وجيران حتى تلتقي بكير عا بعضها من بعيد بتنادي هيدي عوايد كلها تقدير وقديش صعبة نغير العادي واليوم حلمي في جناحي طير وعود عا بلادي بأمجادي ومطرح ما ربتني الحنوني زغير إتعب على ترباية ولادي وكل يوم مع فنجان قهوة صير بوس التراب البعبدو عبادي وربي حسن عالحب حتى يصير من كل كلمة حامل شهادي وآخر ما بدي قول بالتفكير ما عاد بدي يطول إبعادي يا رب ما يطول الزمان كتير وفسر الحلم البقشعو كل يوم وإرجع من الغربة على بلادي محمد أبو حمدان أبو حسن

Name: Hassan Bannout  (Sunday, May 29, 2005)
Zajal Lines:  يا بوآدم أنا متلك عذابي واٍلي كم يوم عايش عاعصابي وشمس الكانت بجوي مضيه اختفت وتلبدو غيوم الكآبي الوفا يا صاحبي بيشهد عليي واٍذا خسرت الوفا اًخسر شبابي وبعينيي السكن صبح وعشيه عيوني بشيلها ويبقو صحابي ومازالك اٍنت فهمان القضيه وعارف شو سبب هاك السحابي الصراحه ما بتزعجنا يا خيي المصير اٍنكان سلبي اًو اٍيجابي على كل حال روقها شويه نحنا هون عصبه مش عصابي وبردات الحوارات القويه كل كلمه اٍذا عليها منعتب مارح يبقى عتاب ولا عتابي

Name: Mohammed Schriem أبو آدام  (Sunday, May 29, 2005)
Zajal Lines:  أنا من قبل ما إخلق عذابي ....... سبقني طفل لاحقني بشبابي وأمامي عاد في غربه تنصب .... كسر إيدو كتر ما دق بابي عليي إنكتب في هالعمر إتعب .... بلا ما التعب يعطيني حسابي عمري صعب بس ال صار أصعب .... عليي يزعلو مني حبابي وقلبي الفيه صار الهم ملعب .... والحاضر لبكرا يزت طابي والماضي ورق ناصيب يسحب .... حتى فقدت من لعبن صوابي وتاأكتب هالقصيدي شفت أنسب .... حتى تزول عنا هالسحابي ما جايي قول مين وليش أوجب .... رغم ما واضحه عندي الإجابي ومعليش إن حدا مني تعجب .... حسن أو بو حسن ألهن جوابي القلب عاقد لمحبي بيعتب .... هيكي قبلنا النقاد قالو ............ وأنا عاقد لمحبي عتابي ............... ____________ تقديري

Name: Hassan Bannout  (Saturday, May 28, 2005)
Zajal Lines:  محمد أبوحمدان بجناحو احتمو نسور البلاغه والاًصاله في دمو مصلح وصاحب ذوق اًلله يسلمو بيخرس لسان الدهر لم يفتح فمو رح اٍبتدي بشوط المعنى تكرمو عا شاعر كفوفي بخدو علمو اٍن رد واٍنما رد منها فارقه عالحالتين رح قول ألله يرحمو

Name: باسم شعيب  (Friday, May 27, 2005)
Zajal Lines: شو بخبرك يا بوعلي البتعزني مبسوط في أفريقيا وعايش هني قرود وسعادين عا شمال ويمين وكل عبده شفافها قد الدني خيي حسن أنا رايح على لبنان بعد يومين وباقي حوالى الشهرين اٍذا ساقبت وحضرتك رايح على لبنان هالصيفيه تفضل وشرفنا .نحنا حنكون بالشرقية. اٍلى اللقاءوالسلام عليكم

Name: محمد  أبو حمدان  (Friday, May 27, 2005)			Email
	كندا		تورنتو
Zajal Lines:  محمد يا إبن شريم يا ناقد كبير اسمحلي تا قلك كلمتين من الضمير بنوت رح بيضل خييك بالزجل وبتضل بالنسبة إلو الخي الصغير ======================================= أتمنى على الصديق الشاعر محمد شريم أن ينهي المجادلة الصبيانية مع الصديق الشاعر حسن بنوت وأن يبدءا معاً في محاورة زجلية جديدة..........وشكراً أتمنى أن يبدأ المحاورة الأخ حسن بنوت وان تقود المحاورة إلى موضوع ....... وشكراً أكيد منمون عالأوادم محمد أبو حمدان

Name: كشّاف الزجل  (Friday, May 27, 2005)			Email
Zajal Lines: تكملة المحاوره خليل يرد على الزين جابو خليليين مع احمد وزين ؟؟؟؟ يا عين صبي دمع عاهالعينتين حط ايدك في يديي يا خليل ؟؟؟؟ وبيع شعيبيات عااسم التنين محاوره جيده ؟ منكفي أو؟؟ ناقد الزجل

Name: Hassan Bannout  (Thursday, May 26, 2005)
Zajal Lines: اٍلى ناقد الزجل والكشاف المحترم اٍذا كان قصدك التشابه بين قفلة ردة زين شعيب وحسن بنوت فهذا شيء طبيعي لاًنو المثل أفرش بعين الشمس يا...ونام هو مثل لبناني قديم وليس بيت شعر ليكون محتكر لشاعر واحد. وهنالك أمثال كثيرة يستعملها الشعراء. على كل حال اٍذا كنت ناقدا بحق يجب أن تعطي رأيك بالمحاورة كلها لاًنها في راًيي أنا هي من أروع المحورات ولو كان زين شعيب سمعها لشهد على ذلك. وبكل روح رياضية بقلك رب من أرباب الزجل ما تزعل الله يقطع الزعل. أخوكم حسن بنوت

Name:  الزجل كشّاف  (Thursday, May 26, 2005)
Zajal Lines: الى محبي الزجل نقدم لكم هذه المحاوره بين الشاعر خليل روكز وزين شعيب وكان بالحفله الشعراء احمد شعيب وخليل شحرور زين جابو خليليين في ليل الظلام ؟؟؟؟ بمسرح شعيبيين عالمسرح عظام انكنو خليلك متل صاحبنا خليل ؟؟؟؟" افرش بعين الشمس يا احمد ونام التكمله عبكرا نترككم الأن رعاية المولى <ورب الزجل!!!!!!!!! ناقد الزجل

Name: محمد أبو حمدان  (Wednesday, May 25, 2005)			Email
	كندا		تورنتو
Zajal Lines:  لما عا أرض الغرب سافرنا حب الوطن بالقلب مسمرنا موافق معك شو قلت يا بن شعيب لولا الزجل عالهجر ما صبرنا أهللاً بباسم شعيب.... ورحم الله جدك أبو علي

Name: Hassan Bannout  (Wednesday, May 25, 2005)
Zajal Lines:  باسم حبيبي كيف ما بتذكرك وبالقلب طابع صورتك طول المدا عا هالتحيه لشباب بتشكرك ومن واجبات الشكر ما بوفر حدا الله يرحم زين جدك ما ترك اٍلا أسود ببطشها جفل الردا بعدك مثل ما تركتك على منبرك عاطي زجل لبنان بالعالم صدا؟؟؟

Name: باسم شعيب شعيب  (Wednesday, May 25, 2005)
أفريقيا
Zajal Lines: مرحبا شباب كيفك أبو علي ما بعرف اٍذا بعدك فاكرني تعرفتك عليك بلبنان سنة 1995 عند بيت عمي نديم بالشرقيه وهلق عايش بأفريقيا .ولله ما في غير الزجل مصبرنا وسلم تمكم عهل الكلمات الحلوة .

Name: Hassan Bannout  (Tuesday, May 24, 2005)
Zajal Lines: وهلق يا اٍذاعه ويا جرايد ذيعو واكتبو عنا بمودي ثلاث شعار اٍخوه بالشدايد أعادي بس عالمنبر منبقى برده بيوتها تخلق تحدي

Name: محمد أبو حمدان  (Monday, May 23, 2005)			Email
	كندا		تورنتو
Zajal Lines:  في عنا نظام Website نحنا بهال نلاقي الضيوف بكل حب وإحترام محمد شريم الكلمتو مسك وخزام وبنوت شاعر للمحبة والوئام ومعهم أنا بكل شوق وإهتمام دايماً لأهل الذوق عم نضرب سلام يمشي للأمام Websiteوتا يظل هال جايي بإسم الكل إحكي هالكلام رجال الزجل بالشعر مهما تخاصمو بقلوبهم ما في عداوة وإنقسام محمد أبو حمدان

Name: Hassan  Bannout  (Sunday, May 22, 2005)
Zajal Lines:  يا شريم من اًيا دني وأيا زمان جايي عا رب الموهبة تطول لسان نحنا تاًهلنا بشفيق باٍتزان للي طل من موقع لموقع في أمان شو دخلك تا دز حالك يا فلان واٍستاذ تعمل بالشعر والعنفوان اٍستاذ في صف الحضاني منرفضك بحيثك لهلق ما نجحت بالاٍمتحان

Name: Mohammed S.Hschriem محمد حسن شريم  (Saturday, May 21, 2005)
Zajal Lines:  قبل الحكي يا حسن فكر بالحكي ..... في ناس فهماني عليكُم سامعه معلم أنا بالأبتدائي وما شكي .... من علم تلميذ للي نفسو طامعه والحرف يلي حفرت فيه وما بكي .... المتل علم الصغر كلمه جامعه معناتها مفضّل بحرفي يا ذكي .... عامحاضرة إستاذ جُوّى الجامعه !!!!! يعطيك العافيه !!!!! محمد حسن شريم

Name: محمد أبو حمدان  (Saturday, May 21, 2005)			Email
	كندا		تورنتو
Zajal Lines:  عا حب بلادي تربيت مش رح إنسى لغتنا وغير ترابا ما حبيت مهما طالت غربتنا وشعرك يا شريم الغنيت ما بيقرب من أرزتنا بتحكي سوني بلاك وويت ومفكر هي لهجتنا وبنوت اللي خدو شويت لما هاجم حارتنا كلما بيمشي بأرض البيت بيتفركش بالسجادي

Name: Hassan Bannout  (Saturday, May 21, 2005)
Zajal Lines:  المعنى لبسني تاج منو غار القرادي للفول المصري مشتاق وللكوشري وللطعميه ولبلادي ببعت اًشواق من بلاد الاًمريكيه واٍبن شريم لهلق فاق بحقلة شعرو البريه ما عندو خوخ ودراق ولا الزوادة زوادي

Name: Hassan  Bannout  (Saturday, May 21, 2005)
Zajal Lines:  اًهلا بشفيق وبالعقول اللامعه بوب سايت اًصحاب المواهب جامعه بالاٍبتدائي شهادتك خلصتها ؟؟؟ تا قصدت بو حمدان تدرس جامعه

Name: شفيق ديب  (Friday, May 20, 2005)
			سوريا
Zajal Lines: محمد أبو حمدان للشعر الجميل**********موقع عمل وبسجن قلبي حاجبو متل الملك ,,والمملكي بحور الخليل******والحب عرشو والأصالي حاجبو بالرغم من بعدو عمل موقع نبيل ********للشعر حتى يكرم اللي عاجبو وما زال بو حمدان لبناني أصيل*********بيضل ون ما راح يعمل واجبو

Name: Mohammed H.Schriem محمد حسن شريم  (Thursday, May 19, 2005)			HomePage
Zajal Lines:  المعنى لبّسني تاج ..... منو غار القرادي بنّوت ال بينلو سنان ..... قلت بيضحكلي عاطول تاريه لصيدي جوعان ..... شو هالجوع المش معقول وحمدان الضايع بلسان ..... حكي اللبناني العاأصول وما دامو لهجتنا هان ..... وإسباني عنها بيقول يعني ترونتو يا حمدان ...... نسّتكُم حكي بلادي _____________ تقديري

Name: محمد أبو حمدان  (Wednesday, May 18, 2005)			Email
	كندا		تورنتو
Zajal Lines:  شريم بيحكي اسباني مافهمنا شو عم بيقول غنوج وما الو ثاني رح يشبه غنوة جلول وبنوت الأمريكاني هاجم بالسيف المسلول وماشي بشعرو خليفاني مثل المصري الآكل فول ولو هجموا يا إخواني واتحمو بشعر الزغلول برجعهم من ميداني مثل الجرح بلا عيادي ================================== تا نسمعكن قرادي ونغني أحلى الأشعار لقينا نخبة ردادي وما لقينا بعد الشعار

Name: Hassan Bannout  (Tuesday, May 17, 2005)
Zajal Lines:  شريم العامل حالو بي ضحكنالو صدق حالو لا تاج ولا سيف خطي ماشي مخزق شروالو وشعار المنبر يا خي من حسون واًمثالو وبو حمدان اٍن شد شوي منعتبرو من الردادي

Name: Mohammed H.Schriem محمد حسن شريم  (Tuesday, May 17, 2005)			HomePage
Zajal Lines:  المعنى لبّسني تاج ......... منو غار القرادي ولادي للي نصابو بجنون ....... صونِي بقُلن قالو شارب واحد خبزي مش ممنون ........ متعود يشحد عالدرب والتاني تاجي كرتون ....... عنو قال وشافو بورب وبحرب الشعر الموزون ....... والكلمهِ المعروبهِ عرب ببقى بي ولادي صون ........ حتى انخربو الدنيا خرب من هيكي سيفي المسنون ....... سالمكن وبوقت الحرب معكُم عاحيادي بيكون ..... حتى تعيشو بزيادي المعنى لبّسني تاج ...... منو غار القرادي ____________ تقديري

Name: محمد أبو حمدان  (Monday, May 16, 2005)			Email
	كندا		تورنتو
Zajal Lines:  شريم التاجو من كرتون ما بيلمع من شمس نهار لا المعنى كان ممنون منو ولا القرادي غار وبنوت بعقلو المجنون فاتح معهد للأشعار وكل يوم بشعرو المحزون عم يمطي شهادات كثار ولما بالشعر الموزون بتحدى كبار الشعار بنوت عم يسمع بيكون وشريم واقف عا حيادي

Name: Hassan  Bannout  (Monday, May 16, 2005)
Zajal Lines:  تا تنال التاج بتحتاج مني اًمضا وشهادي وبين طاسة راسك والتاج لا معنى ولا قرادي يا بي المن دون تحنان الاًوفق توقف عاحيادك بتضلك مطفي سكران وعلة كبيرة عا بلادك لو منك تنبل كسلان ما كانو راحو ولادك من عند فلاني وفلان اللقمة شحدوها شحادي

Name: Mohammed H.Schriem محمد حسن شريم  (Saturday, May 07, 2005)			HomePage
Zajal Lines:  معنّى عليكُم بزيادي ___________ القرادي عم بينادي لمّعنّى لبّسني تــــاج ___________ مِنو غار القــرادي تاجي حجارو لمّــاعه ___________ بظُل انحطيتو وبفّـي القوهِ فارض بالقاعه __________ وبعاطفتو حـاتم طّـي جايي بساعه سمّاعــه ___________ شيـلو ومعكُم إحكي بّي نما قدمتولي الطاعه __________ عليكُم بغضب يا ولادي لمّعنّى لبّسني تاج _________________ منّو غار القرادي تقديري

Name: Mohammed H.Schriem محمد حسن شريم  (Friday, May 06, 2005)			HomePage
Zajal Lines:  معي يا حسن هاللأعصاب هدي .... أنا مش قدك ولا إنت قدي كتر هالبهوره بنظم القصايد ..... دشّر والبحث خليه جدي التحدي إنت مش داعيك رايد .... لإني بعرفو وين رح يودي سيفي مأصل وعندو عوايد ..... ما خلا خصم يرفع راس حدي وإنت بعدك عاسيفي عم تزايد ..... بوصفك ليه مإذي وللتعدي فرّق بين سيف الشيخ زايد ....... وسيف مقاومهِ حامل بيدي وحتى ما يضل الظلُم سايد .... عاغُصن العدل يا حسون هدي ولإني بحن عاجُرح الطرايد ..... أنا تاأُجرحك ما عاد بدي إنت دمعة تغرُّب عُمُر بايد ..... منها احترق قلبي قبل خدي أنا بالعيد غيرك ما بعايد ... عيد ال صوبنا مش عم يعدي أنا كتافي ألك بعمُل عمايد ... أذا شي يوم شفتك تحت شدي وإذا شفتك بعركهِ ما بحايد .... ألك صدري أنا جبهة تصدي لإنك خي إلنا بالعقايد ...... يعني ال وقف ضدك وقف ضُدي وأبو حمدان عقلك غقل قايد ....... إلك مني تحيهِ بكل ردي بعاطفتك قلوب الكل صايد ..... فجر عاقلوبنا عُطرو مندي وهلق يا إذاعه ويا جرايد ...... ذيعو واكتبو عنا بمودي تلت شُعار إخوي بالشدايد ........ أعادي بس عالمنبر منبقى ___________ بردهِ بيوتها تخلق تحدي ________________ مع تقديري لجميع من تابع معنا هذه المُحاوره ونتمنى أن نكون قد امتعناكم وأن نكون عند حسن الظن محمد حسن شريم _______________________________ تقديري

Name: Hassan Bannout  (Thursday, May 05, 2005)
Zajal Lines:  كفاها يا محمد عنتريه وتبرم عالشقاوي وعالاًذيه شفلك شرشف بقلبو تستر شو بدك بالسيوف الحربجيه اٍذا طفلك اًنا يا نص عنتر زادت قيمتك والمعنويه لازم تشمخ وتكبر وتفخر بطفل لبالمهد حاكا الرعيه ودليلك بالشعر عاكل منبر كلمة لايقة عليك وعليي لاًني اًعلم واًدرى وأخبر بطرقات السماوات العليه العمر مشوار والكوكب زغير ومساحة هالفضا زغيرة شويه واًلله يرحم الزين الموقر ما بدي اًورثو ولو كان بيي كل شاعر باًشعارو بيكبر واًنا عرش المنابر كبر فيي ولو اًني عايش بغربة ومهجر الزجل عندي رسالة اًوليه عاصقلة كلمتي بتعب وبسهر وعذابي واصل الصبح بعشيه واٍذا جاهل طعن فيي وتبهور براءة بتنحسب منها خطيه ويللي تفلسف وقروش وبربر غير العاكتافو المسووًليه ويامحمد اٍنت يا قلب اًطهر من كمام الورود المريميه باًشعارك ربيع الفن زهر واٍلك من بو علي اًخلص تحيه ياشاعر كل ندوة وكل محضر سريع الخاطر ونفسك اًبيه اٍنحرم لبنان منك يا مجوهر ويا نيال البلاد الاسبانيه واًبو حمدان شاعرنا المقدر اشتقنا لكلمتو وروحو السخيه الزجل عاكتافنا بيتو تعمر ورح منبقى مداميكو القويه على وب سايت عا منبر عا دفتر سوية منرفع عتابو سويه ما بيهم من بيكون اًشعر البيهم نضلنا بالشعر اٍخوة حومين وغريفه ومروانيه

Name: Mohammed H.Schriem محمد حسن شريم  (Wednesday, May 04, 2005)			HomePage
Zajal Lines:  تعا يا حسن يا رفيقي وزميلي .. يا جُرحي يا دوايي يا خليلي إنت مَنّك حيلله شخص عابر ....... إنت محسوب منّا من السليلي بجولة شعر نشّفنا المحابر ..... وعلى وب سايتنا صُرنا متيلي انت ضلّيت فيها الجهل قابر .... وأنا بالعلم فيها سبقت جيلي إنت خيي ويا خيي لا تكابر ...... انت أخبر بفارس هالاصيلي عنّي تروك وجدانك يخابر ...... حِيادو بس رح يشفي غليلي وإذا بيتك زرت في عهد غابر ........ كرّم ضيف زارك عالقليلي ولا تُصغر بعدها يابن الأكابر ... بتربيحك إلو ببيتك جميلي وأجّري ربحت قلت بصوت نابر ..... عيبه عليك تشعُل هالفتيلي عاهلكلمهِ ووعو أهل المقابر ..... يا بو نفس للي رجّعتا قتيلي أنا إنسان عاشغلي مُثابر ..... من جهادو رجع قامي نحيلي أنا شاعر بِاحساسي بسافر ..... عاجنه مرتع الفكره الجميلي أنا شغلي مع سيوف العناتر ..... طيّر رووس ورقاب العميلي وتاإحمي العُرُض في نفسي بخاطر .... هيدي شغلتي شغلي جليلي وتايبقى الزجل حاضر كل خاطر ..... أنا وحي السما عملتو وكيلي أنا في خاطر المكسور جابر ..... أنا بشفق على نفوس الذليلي وعلى أجّري ولا مخلوق قادر ..... لإنو الأجر ما بينطر فضيلي أنا جمهورنا حبيت ساير ..... لهيك رضيت تتسمّى عديلي لكن لو انقلبت لديب غادر .... يا حيلهِ برجّعك من دون حيلي أنا الفهمان همي عم يشاطر ..... العم يسهّل أمور المُستحيلي وشاعر بالتسامي وبالتذاكر ..... من حروف الذهب كاتب دليلي وظنك خاب يا تلميذ شاطر ..... حكي مظبوط والكلمهِ نبيلي عاضُعفك كنت مستنّي مساطر ... إجاك العزم بو الحمّلي التقيلي وبمدحي قلت بحّيت الحناجر ..... يا حاتم يا إبن عيلي أصيلي أنا صيام العُمر تاتّصُح نادر ..... حناجر فيك من مدحي عليلي وزين شعيب مش حسون ناطر....... ناطر نسر بيحارب قبيلي ولإنك مش خرش عرش وقناطر .... إذا قصدي فهمت بُكرا دعيلي وحتى نطيّب ونرضي الخواطر ....... أسمك إنت بُحفُر في زميلي تاتبّقى حسن.. بنّوت المنابر ..... أنا بخليك عالمنبر مدلل ........... لإني عادك طُفلي ودليلي ............ تقديري محمد حسن شريم.

Name: Hassan  Bannout  (Wednesday, May 04, 2005)
Zajal Lines:  تعا هالبحث ننهي عاسلامي اٍنت خيي واًنا مني خصامي بكبر وزغر موضوعك طرحتو مابيفرق مقامك عن مقامي اًنا قلبي من ضلوعي شلحتو ورحت فتش على حبي وغرامي وهالوب سايت ساعة ما فتحتو لقيت مراية جروحي اًمامي وياًنصار الزجل وين ما برحتو لكن من هون اًشواقي وسلامي اعذروني لجام مهري لو كبحتو الاًخوة كتير اًغلى من الكرامي اًنا محمد باًشعاري مدحتو وتقديري وهبتو واٍحترامي وكرامة للزجل صدري فتحتو وزرعت الزنبقه بجنب الخزامي وشلت حبات عاطفتي ومنحتو من كنوز الشعر جوهر كلامي واٍبن ملجم اٍذا بوجو لمحتو لاًنو خاب ظني يااٍمامي اًنا بتعب على شعري ونحتو ومن حجار الرحا باني مقامي عنق الجهل في سيفي دبحتو واٍذا بوجه الدهر بشهر حسامي بخللي الكون من فوقو وتحتو يشتي دم من رقبة خصامي دخلت عابيتنا واًجرك ربحتو ويمكن صرت شاعر بالتسامي وهمك من بعد هاليوم زحتو وبقلك بو علي بشوط الختامي بظل الشمس لو خيالك لمحتو غراب الشعر بيصفي حمامي وهلق يا حبابي لو سمحتو عزي عين قرحة وقلب ظامي يازين شعيب منبرنا النزحتو بعد منك لا عز ولا فخامي يا فارس وين هالقد ومشحتو ووين المرجلة ووين الشهامي وين الكان بين جدو ومزحتو تجي من بعيد تركعلو الاًسامي وبآخ الكانت الناي وجرحتو يعطي الشعر دمعة واٍبتسامي الله يرحمو الجنة ربحتو ونحنا للي بتلينا بهالخسارة وباقي لبو علي عرش الزعامي

Name: Mohammed Schriem محمد حسن شريم  (Monday, May 02, 2005)			Email  HomePage
Zajal Lines:  ما بريد صفّي قد رُبعك يا صبي. ولا رد عللي بينصحوني بسبسبي شاعر أنا في حُضن موهبتو ربي ...... خلقان من عيلي عريقه مأدبي كرمال يبقى الزجل عالي المرتبي ... يبقى لمُلهم يكتبو مش للغبي ويا أرمله بن ملجم لغيري انسبي ..... وورقة النعوهِ بحبرنا لا تكتبي ولك شو باك نفسك يا زميل معصّبي.. مره رُبُع مره آله مره نبي وعين الشمس ال وصلت إلها دبدبي .. واسع مجالي وملعبك مش ملعبي من تحتها ما احتجت أفرُش يا حسن ... خلقان فارش تحت شمس الوموهبي تقديري

Name: Hassan Bannout  (Sunday, May 01, 2005)
Zajal Lines:  مين للي دافعلك تاتحكي هلكلام وقديش قابض يابن ملجم عالاٍمام لما الاًرض فوق السما بتفرش حرام ولما عانور المعرفي بيسطي الظلام ولما بموت الحق وينام السلام ولما القزم بيصير يعلا عالمقام ولما اًنا متلك بصير باكل حرام في وقتها وجه اٍلي هالاٍتهام خليك عالموضوع ماشي باٍلتزام وعلق بوالين الهوى بصدرك وسام وكل حجة جاوب عليها بنظام بمااًساًلك غلطت معنا ياغلام شاعر كبير المجد ضاربلي سلام واٍنت الجهل عندك ملفلف بالحرام ولما تصفي قد ربعي بالزجل اًفرش بعين الشمس يامحمد ونام

Name: Mohammed Schriem محمد حسن شريم  (Friday, April 29, 2005)			HomePage
Zajal Lines:  يا شعر ..بو حمدان بيتو جلّلك ..... حاتم حياتو ضيف كلها بيقبلك ودفن الشهيد اللي حمالك منزلك ....... عن قصتو رح جاوبك ما بسألك حي ما بيموت باقي باالفلك ..... ضوّى مشاعيل الهُدى بليل الحلك والمجد عم يكبر معك ما أسألك ..... إحكي كلام يفوت في عقل الملك بدم وروايا وقلب شولي دخّلك ..... هودي ولادي الجهل الهُم وصّلك خليك طاير في بالون ال نزّلك ...... عاأرض غيرك جيت تروي منهلك والحارس ال عابوابها ما بيجّهلك .... لا تظن غشّيتو إنت من أولك وتايرحمك ألله على حدودك وقاف ..... ولا تمد إيدك عارزق مَنّو إلك

Name: Hassan  Bannout  (Friday, April 29, 2005)
Zajal Lines:  برحمة الزين وروكز ورحمة رشيد الراحو وتركوني عهالمنبر وحيد كل يوم عم يكبر معي المجد وبزيد وعبواب عرشي بينحني ملوك وعبيد ومن شغل فبركة المعنى والقصيد بالون حملتك ولبستك جديد وكيف قلبك لحن ودق النشيد والدم وصلك عاشريان ووريد لوما بوالين الروايا تحضنو منروح تاني يوم عا دفن الشهيد

Name: Mohammed Schriem محمد حسن شريم  (Wednesday, April 27, 2005)			HomePage
Zajal Lines:  كرمال بو الحرفين بتحدى الممات .... ودخول يزبك عُطر عطّر كل ذات عقلي صُغر مش هيك بيردو الزوات .... يا غبن كُبرك يا عديم الواجبات كيف بكيو عليك صُبيان وبنات .... والفبركه بوالين عاالأربع جهات عم تزرع البالون ؟ يا بو المُعجزات .... شو مفكّرو يا شب صنف من النبات بالون غلّفتو إنت بمغلّفات .... حتى تخبي العيب عندو باالنواة وباالموهبي ضليت عايش في ثبات .... مرتاح حتى معك هنت المُكرمات وكرمال تقنع باالصُغُر ما بقول هات .... خود مني وشوف كل الكائنات فيهم قلب بيدق في حجمو الصغبر .... في كل دقه لحن لحّن للحياة حُبي للجميع

Name: Hassan Bannout  (Tuesday, April 26, 2005)
Zajal Lines:  كرمال زين شعيب غرد يا كنار واًعطي القوافي ميل نور وميل نار اٍنشبهتني ببالون مش عيبةولا عار البالون مفضل عالزغار وعالكبار ياما وياما بكيت ولاد الصغار لما انقطش هالخيط والبالون طار واٍنت لمن صرت في سن القرار واًصبحت صاحب مسووًلية بالديار وصار قلبك يوجعك ليل ونهار زرعولك البالون عاميل اليسار الشاعر بكبر الموهبة ووسع الفكار واٍنت للي اًلله مريحك من هالخبار شو ما قلت وحكيت بدنا نسامحك ما في عتب هالشب عقلاتو زغار

Name: Mohammed Schriem محمد حسن شريم  (Tuesday, April 26, 2005)			HomePage
Zajal Lines:  يا بو علي من صُغُرنا أطلب سماح .... زر الورد رغم الصغُر باالعُطر فاح تركني قمر بين الكواكب كل ناح .... باالنور خلي ليلكم يرجع صباح ويلي النصيحه شاف فيها سم لاح .... بحكي بصلاح البَين بيعيط صلاح وزرارنا اللي شفتهم شوك وسلاح .... ما بلومك بلوم المواجع والجراح وعنك زماني الما قدر هاالعتم زاح .... لا تعايرو عاسر منو سر باح وبين الكُبُر والصغر موضوعك فتاح .... تاشوفك يا كبير لعيون الملاح كبرك كبر بالون أخفف من خفيف .... مرهون أمرو للعواصف والرياح

Name: Hassan Bannout  (Tuesday, April 26, 2005)
Zajal Lines: اًلله يجازي هالزمان اللمنا قلنا بلقاكم رح بيفرج همنا لو نعرفك ياشريم ناوي تسمنا ماتعذبنا وحرقنا دمنا سيدي علي من سبطنا ومن يمنا ما قال كلمة يوم فيها ذمنا نحنا عطور المرجعية بكمنا مخوخ الكبيرة بتنحني تاتشمنا نحنا بحقك ما فتحنا تمنا وتانحاججك وين التراب يطمنا نحنا كبار المنبر واٍنتو زغار ومن جهلكم يا زغار شو بهمنا

Name: Mohammed Schriem محمد حسن شريم  (Sunday, April 24, 2005)			HomePage
Zajal Lines:  كرمال زين شعيب رح ماشي السنين . وغنّي معك تابيّنك للحاضرين شو باك بلّشت بزنودك يا حزين ..... فلّست حتى صُرت في حالك تهين غايب أنا إلا عن عيون الفطين .... يلي قشع بسطورنا المعنى الثمين مش متّلك ال بحكيه من أقصى اليمين .. بيجاوب من شمال في علّه وأنين ما بكبّر براسي أنا مؤمن رزين .. راسي كبر باالعقل من هوي وجنين ورب الشعر رب المنابر والحنين ....... لا تزعجو خليه عاأمنك أمين وتاحاجج المتّلك أنا بحني جبين..... هيك قبلي قال سيد العارفين هيدا ال قلبي صبّرو يا بو علي ..... كلمهِ مثل حطها أمير المؤمنين

Name: Hassan Bannout  (Sunday, April 24, 2005)
Zajal Lines:  كرمال زين شعيب نسر الاًولي يا شريم اٍمشي هويدلك ياهويدلي ومظبوط عني غبت يابو المرجلي وبعدك بغي&